Virupaksha: సెన్సార్ పూర్తి.. వారికి నో ఎంట్రీ!
Hyderabad: సుప్రీమ్ హీరో సాయి ధరమ్ తేజ్ (Sai Dharam Tej) నటించిన తాజా చిత్రం ‘విరూపాక్ష(Virupaksha)’. మిస్టికల్ థ్రిల్లర్గా తెరకెక్కిన ఈ సినిమా ఏప్రిల్ 21న ఈ సినిమా ప్రేక్షకుల ముందుకు రాబోతుంది. క్రియేటివ్ డైరెక్టర్ సుకుమార్(Sukumar) ఈ సినిమాకి కథ అందించడంతో భారీ అంచనాలు నెలకొన్నాయి. కొత్త దర్శకుడు కార్తీక్ దండు(Karthik Dandu) ఈ చిత్రాన్ని తెరకెక్కిస్తున్నారు. ఇక వరుస విజయాలతో లక్కీ లెగ్ అనిపించుకుంటున్న సంయుక్త మీనన్ (Samyuktha Menon) ఈ సినిమాలో హీరోయిన్ గా నటిస్తుంది. ఇక ఈ చిత్రంతో సాయి ధరమ్ తేజ్ కూడా పాన్ ఇండియా మార్కెట్లోకి అడుగు పెట్టబోతున్నారు.
ఇక, సినిమా విడుదల తేదీ దగ్గర పడుతుండటంతో ప్రమోషన్స్ షురూ చేసింది చిత్రబృందం. సాయి ధరమ్ కూడా వరుస ఇంటర్వ్యూలు ఇస్తూ చాలా విషయాలు పంచుకుంటున్నారు. తాజాగా ఈ మూవీ సెన్సార్ పనులు కూడా పూర్తి చేసుకుంది. ఈ సినిమాకి సెన్సార్ బోర్డ్ A సర్టిఫికెట్ ఇచ్చింది. దీంతో ఈ సినిమాకి 18 ఏళ్ళ లోపు ఉన్నవారికి నో ఎంట్రీ. ఈ సినిమాకి A సర్టిఫికెట్ రావడంతో మూవీ పై మరింత హైప్ క్రియేట్ అయ్యింది.
తాజాగా విడుదల చేసిన ట్రైలర్ చూస్తుంటే పల్లెటూరుల్లో జరిగే చేతబడి కథాంశంతో తెరకెక్కిన సినిమా అని తెలుస్తుంది. శ్రీ వెంకటేశ్వర సినీ క్రియేషన్స్, సుకుమార్ రైటింగ్స్ ప్రొడక్షన్స్ లో బివిఎస్‌ఎన్ ప్రసాద్, సుకుమార్ సంయుక్తంగా నిర్మిస్తుండగా సునీల్, రాజీవ్ కనకాల, జాన్సీ, బ్రహ్మాజీ ప్రధాన పాత్రల్లో కనిపించబోతున్నారు. కాంతార ఫేమ్ అజనీష్ లోకనాథ్ ఈ సినిమాకి సంగీతం అందిస్తున్నారు.
