Virat Kohli: లండ‌న్‌లో రెండో బిడ్డకు జ‌న్మినివ్వ‌నున్న అనుష్క
Virat Kohli: స్టార్ క్రికెట‌ర్ విరాట్ కోహ్లీ, బాలీవుడ్ న‌టి అనుష్క శ‌ర్మ (Anushka Sharma) దంప‌తులు రెండో బిడ్డకు జ‌న్మనివ్వ‌బోతున్న‌ట్లు ఎప్ప‌టినుంచో వార్త‌లు వ‌స్తున్నాయి. ఇటీవ‌ల ప్ర‌ముఖ సౌత్ ఆఫ్రిక‌న్ క్రికెట‌ర్ ఏబీ డివిలియ‌ర్స్ (AB DE villiers) కూడా ఈ విష‌యాన్ని అధికారికంగా ప్ర‌క‌టించేసారు. ఆ త‌ర్వాత కాదు కాదు విరాట్ రెండో సారి తండ్రి కాబోతున్నాడు అని తాను చెప్పిన దాంట్లో వాస్త‌వం లేదు అని మ‌రో ప్ర‌క‌ట‌న చేసారు. ఏది ఏమైన‌ప్ప‌టికీ విరాట్, అనుష్క‌లు రెండో బిడ్డకు జ‌న్మ‌నివ్వ‌బోతున్న మాట వాస్త‌వ‌మే. ప్ర‌స్తుతం వారు ముంబైలో కాకుండా ఎక్కువ‌గా లండ‌న్‌లో స‌మ‌యాన్ని గ‌డుపుతున్నారు. అనుష్క‌కు నెల‌లు ద‌గ్గ‌ర‌ప‌డుతున్న స‌మ‌యంలో లండన్లోనే కొన్ని నెల‌ల పాటు ఉండాల‌ని అనుకుంటున్నార‌ట. రెండో బిడ్డ‌ను కూడా లండన్లోనే క‌నాల‌ని నిర్ణ‌యించుకున్నారు.
ఈ విష‌యాన్ని ప్ర‌ముఖ పారిశ్రామిక వేత్త హ‌ర్ష్ గోయెంకా (Harsh Goenka) ట్విటర్ ద్వారా క‌న్ఫామ్ చేసారు. త్వ‌ర‌లో ఓ బిడ్డ ఈ భూమి మీద‌కు రాబోతోంది. మ‌రి ఆ బేబీ త‌న తండ్రిలాగా గొప్ప క్రికెట‌ర్ అవుతుందా లేక త‌న త‌ల్లి లాగా మంచి బాలీవుడ్ న‌టి అవుతుందా అనేది వేచి చూడాలి అని ట్వీట్ చేసారు. క్రికెట‌ర్.. బాలీవుడ్ హీరోయిన్ అంటే ఇక్కడ విరాట్ కోహ్లీ, అనుష్క శ‌ర్మ మాత్ర‌మే ఉన్నారు. ఎప్పుడైతే అనుష్క మ‌ళ్లీ త‌ల్లి కాబోతున్నారు అన్న వార్త‌లు బ‌య‌టికి వ‌చ్చాయో అప్ప‌టినుంచి ఆమె ఎక్క‌డికి వెళ్లాల‌నుకున్నా కూడా మీడియా వర్గాలకు ముందు త‌న పీఆర్ ద్వారా ఫోన్ కాల్స్ చేయించి ఫోటోలు, వీడియోలు తీయొద్దు అని రిక్వెస్ట్ చేసార‌ట. అందుకే అనుష్క గ‌ర్భం దాల్చిన‌ట్లుగా ఉన్న ఏ ఒక్క ఫోటో కూడా బ‌య‌టికి రాలేదు. (Virat Kohli)
ఇటీవ‌ల అయోధ్య రామ‌మందిర ప్రాణ ప్ర‌తిష్ఠ కార్య‌క్ర‌మానికి కూడా అనుష్క, విరాట్‌లు మీడియా వర్గాలకు తెలీకుండా కార్య‌క్ర‌మానికి వెళ్లి అర‌గంట‌లోనే తిరిగి హోట‌ల్ రూంకు వెళ్లిపోయారు. 2020లో అనుష్క, విరాట్‌లు తాము త‌ల్లిదండ్రులం కాబోతున్న‌ట్లు స‌ర్‌ప్రైజ్ ఇచ్చారు. ఆ త‌ర్వాత 2021 జ‌న‌వ‌రిలో పండంటి ఆడ‌పిల్ల‌కు జ‌న్మ‌నిచ్చారు. పాప‌కు వామిక అని పేరు పెట్టిన‌ట్లు కూడా వెల్ల‌డించారు. అయితే వామిక‌కు సంబంధించి ఎలాంటి ఫోటోలు, వీడియోలు తీయొద్ద‌ని అన్నీ త‌మ నుంచే ప్ర‌క‌ట‌న‌లుగా వ‌స్తాయ‌ని మీడియాను రిక్వెస్ట్ చేసుకున్నారు. అప్ప‌టినుంచి చాలా జాగ్ర‌త్త‌గా వామిక ఫోటోలు, వీడియోలు బ‌య‌టికి రాకుండా చూసుకున్నారు. ఇక రెండో బిడ్డ విష‌యంలో మాత్రం ఎలాంటి ప్ర‌క‌ట‌న చేయ‌డానికి వారు ఇష్ట‌ప‌డ‌టంలేదు.
ఇక అనుష్క శ‌ర్మ సినిమాల విష‌యానికొస్తే ఆమె వామిక పుట్టిన‌ప్పుడే ఒక కీల‌క ప్ర‌క‌ట‌న చేసారు. ప్ర‌స్తుతం స‌మ‌యాన్ని త‌న కుటుంబంతో గ‌డ‌పాల‌ని అనుకుంటున్నాన‌ని.. త‌న‌కు స్క్రిప్ట్ ఎంతో న‌చ్చి త‌న బిడ్డకు కాస్త దూరంగా ఉన్నా ఫ‌ర్వాలేదు ఈ సినిమా చేసి తీరాల్సిందే అనిపిస్తే అప్పుడు సినిమాలు చేస్తాన‌ని లేదంటే కెరీర్‌కు గుడ్‌బై చెప్పేస్తాన‌ని అన్నారు. ప్ర‌స్తుతానికైతే అనుష్క ఝుల‌న్ గోస్వామి అనే మ‌హిళా క్రికెట‌ర్ బ‌యోపిక్‌లో న‌టిస్తున్నారు. ఈ బ‌యోపిక్ షూటింగ్ ఆల్మోస్ట్ పూర్తైపోయింది. కాక‌పోతే అనుష్క ప్ర‌మోష‌న్స్‌లో మాత్రం పాల్గొన‌ను అని ముందే చెప్పేసార‌ట. మ‌రి సినిమా రిలీజ్ అవుతుందా.. అస‌లు సినిమా వ‌స్తుందా లేదా అనే క్లారిటీ కూడా ఇవ్వ‌లేదు. అన్న‌ట్లు.. ఇంకొన్ని రోజుల్లోనే అనుష్క విరాట్ దంప‌తులు రెండో బిడ్డకు జ‌న్మ‌నివ్వ‌బోతున్నారు.
