Vijay Devarakonda: మరో సినిమా షురూ చేసిన రౌడీ హీరో!
Hyderabad: టాలీవుడ్ యంగ్ హీరో విజయ్ దేవరకొండ(Vijay Deverakonda) హీరోగా శివ నిర్వాణ(Shiva Nirvana) దర్శకత్వంలో ఖుషి(Kushi) సినిమా తెరకెక్కుతున్న సంగతి తెలిసిందే. ఈ సినిమాలో రౌడీ హీరో సరసన సమంత(Samantha) జోడీగా నటిస్తోంది. కాగా, లైగర్(Liger) సినిమా ఫలితం తర్వాత కాస్త సైలెంట్ అయిన విజయ్ మళ్లీ ట్రాక్ ఎక్కినట్లు తెలుస్తోంది. ఇటీవల కొన్ని రోజుల క్రితం విజయ్ దేవరకొండ జెర్సీ(Jersey) సినిమా డైరెక్టర్ గౌతమ్ తిన్ననూరి(Gowtham Thinnanuri) దర్శకత్వంలో సినిమా అనౌన్స్ చేశాడు. విజయ్ దేవరకొండ హీరోగా గౌతమ్ తిన్ననూరి దర్శకత్వంలో తెరకెక్కనున్న #VD12 సినిమాని సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ కలిసి నిర్మిస్తున్నాయి. ఇక ఈ సినిమాలో టాలీవుడ్ యంగ్ సెన్సేషన్ శ్రీలీల(Sreeleela) హీరోయిన్గా నటించనుంది.
తాజాగా ఈ సినిమాకు సంబంధించిన పోస్టర్ కూడా విడుదల చేసింది చిత్రయూనిట్. దీంట్లో విజయ్ దేవరకొండ స్పై పాత్రలో కనిపించనున్నట్టు తెలుస్తోంది. పోస్టర్ రిలీజ్ తోనే సినిమాపై అంచనాలు పెంచేశారు. తాజాగా ఈ సినిమా ఓపెనింగ్ పూజా కార్యక్రమం నిర్వహించి అందరిని ఆశ్చర్యపరిచాడు రౌడీ హీరో. త్వరలోనే రెగ్యులర్ షూటింగ్ ప్రారంభించనున్న ఈ సినిమా వచ్చే ఏడాది ప్రేక్షకుల ముందుకు రానుందని తెలుస్తోంది.
రామానాయుడు స్టూడియోస్లో బుధవారం ఉదయం జరిగిన పూజా కార్యక్రమాలకు పలువురు సినీ ప్రముఖులు హాజరయ్యారు. కన్నడ బ్యూటీ శ్రీలీల ఈ కార్యక్రమంలో పాల్గొనడంతో విజయ్ పక్కన నటించనున్నది ఈ భామనే అని తెలుస్తోంది. కాగా ఇప్పటికే శ్రీలీల చేతిలో దాదాపు పది ప్రాజెక్టులు ఉన్నాయి. ఇక ఈ సినిమాతో ఈ బ్యూటీ ఖాతాలో మరో సినిమా చేరిపోయింది.
