Varun Tej Lavanya Tripathi: ఉంగ‌రాల ధ‌రెంతో తెలుసా?
Hyderabad: మెగా ప్రిన్స్ వ‌రుణ్ తేజ్ (varun tej), బ‌బ్లీ హీరోయిన్ లావ‌ణ్య త్రిపాఠిలు (lavanya tripathi) త్వ‌ర‌లో దంప‌తులు కాబోతున్నారు. ఈ నెల 9న వ‌రుణ్ తేజ్ ఇంట్లో ఘ‌నంగా నిశ్చితార్ధం జ‌రిగిన సంగ‌తి తెలిసిందే. అయితే వారిద్ద‌రూ మార్చుకున్న ఉంగ‌రాల ధ‌ర విష‌యం ఇప్పుడు వైర‌ల్ అవుతోంది. ఒక్కో ఉంగ‌రం ధ‌ర రూ.25 ల‌క్షల‌ట. ఇద్ద‌రు త‌మ అభిరుచుల‌కు త‌గ్గ‌ట్టుగా స్పెష‌ల్‌గా రింగ్స్‌ని డిజైన్ చేయించుకున్న‌ట్లు టాలీవుడ్ వ‌ర్గాల స‌మాచారం. ఇక నిశ్చితార్ధానికి లావ‌ణ్య క‌ట్టుకున్న బ‌నార‌సీ చీర‌ను ప్ర‌ముఖ ఫ్యాష‌న్ డిజైన‌ర్ అనితా డోంగ్రే డిజైన్ చేసారు. దీని ఖ‌రీదు రూ.70,000. నిశ్చితార్ధం అయ్యాక త‌మ‌కు విష్ చేసిన ఫ్యాన్స్, సెల‌బ్రిటీల‌కు ఓ కొత్త పిక్‌తో థ్యాంక్స్ చెప్పింది ఈ జంట. ప్ర‌స్తుతం విదేశాల్లో హాలిడేయింగ్‌లో ఉన్న‌ట్లు తెలుస్తోంది. ఇక వ‌రుణ్ సినిమాల విష‌యానికొస్తే.. గాంధీవ‌దారి అర్జున సినిమాలో న‌టిస్తున్నారు. ఈ సినిమా షూటింగ్ అయిపోయిన‌ట్లు తెలుస్తోంది. దీంతో పాటు ఒక ఏరియ‌ల్ యాక్ష‌న్ సినిమాలోనూ న‌టిస్తున్నారు. ఇందులో మాజీ మిస్ యూనివర్స్ మానుషీ చిల్లార్ హీరోయిన్‌గా న‌టిస్తోంది. ఇక లావ‌ణ్య కూడా పులిమేక వెబ్‌సిరీస్‌తో ప్రేక్ష‌కుల ముందుకు వ‌చ్చింది. ఇప్పుడు మ‌రో వెబ్‌సిరీస్‌లో న‌టించ‌నున్న‌ట్లు తెలుస్తోంది.
