Aadi Keshava: మెగా అభిమానులకు డబుల్ ట్రీట్!
Hyderabad: మెగా హీరో వైష్ణవ తేజ్ (Panja Vaisshnav Tej) నటిస్తున్న తాజా చిత్రం PVT04. ఉప్పెనతో బ్లాక్ బస్టర్ హిట్ అందుకున్న వైష్ణవ్ తర్వాత రెండు సినిమాలతోనూ అంతగా అలరించలేకపోయాడు. ఇటీవలే నాలుగో సినిమాగా PVT04 ప్రారంభించారు. కొత్త దర్శకుడు శ్రీకాంత్ ఎన్ రెడ్డి డైరెక్ట్ చేస్తున్న ఈ చిత్రం పక్కా మాస్ ఎంటర్టైనర్ గా తెరకెక్కుతుంది. ఇప్పటి వరకు రెండు పోస్టర్ లు రిలీజ్ చేసిన చిత్రబృందం తాజాగా టైటిల్ మరియు ఫస్ట్ గ్లింప్స్ ని రిలీజ్ చేసింది.
PVT04 అనే వర్కింగ్ టైటిల్ రూపొందుతున్న వైష్ణవ్ నాలుగవ సినిమాకి ‘ఆదికేశవ’ అనే టైటిల్ ని ఖరారు చేస్తూ పోస్టర్ రిలీజ్ చేశారు మేకర్స్. దీంతోపాటు గ్లింప్స్ని కూడా విడుదల చేశారు. ఈ గ్లింప్స్ లో వైష్ణవ తేజ్ పక్కా మాస్ అవతారంలో కనిపించి అదరగొట్టేశాడు. మైనింగ్ బ్యాక్ డ్రాప్ తో ఈ సినిమా కథాంశం ఉండబోతుందని తెలుస్తోంది. మైనింగ్లో భాగంగా శివుడి గుడిని విలన్స్ కూల్చడానికి ప్రయత్నిస్తుంటే హీరో వాళ్ళని అడ్డుకోవడమే సినిమా కథ అని తెలుస్తోంది.
ఇక ఈ సినిమాలో టాలీవుడ్ మోస్ట్ వాంటెడ్ బ్యూటీ శ్రీలీల (Sreeleela) హీరోయిన్ గా నటిస్తుంది. మలయాళ స్టార్ యాక్టర్ ‘జోజు జార్జ్’ (Joju George) విలన్ కనిపించబోతున్నారు. తమిళ సంగీత దర్శకుడు జి వి ప్రకాష్ మ్యూజిక్ అందిస్తున్న ఈ సినిమాను సితార ఎంటర్ టైన్మెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి.
