Trisha: త్రిష‌కు చిరు స‌ర్‌ప్రైజ్..!
Trisha: ఎవ‌ర్‌గ్రీన్ బ్యూటీ త్రిష‌కు.. మెగాస్టార్ చిరంజీవి (Chiranjeevi) స్పెష‌ల్ గిఫ్ట్‌తో స‌ర్‌ప్రైజ్ చేసారు. స్టాలిన్ సినిమాలో జంట‌గా న‌టించిన వీరిద్ద‌రూ దాదాపు 18 ఏళ్ల త‌ర్వాత విశ్వంభ‌ర (Vishwambhara) సినిమాతో మ‌ళ్లీ ప్రేక్ష‌కుల‌ను అల‌రించ‌బోతున్నారు. ఈరోజు హైద‌రాబాద్‌లో ఈ సినిమా షూటింగ్ జ‌రుగుతోంది. ఈరోజే త్రిష‌కు సంబంధించిన సీన్స్ కూడా షూట్ అవుతాయి. ఈ నేప‌థ్యంలో చిరు త్రిష‌కు స్పెష‌ల్ కాఫీ మ‌గ్‌తో వెల్కం చెప్పారు. రూం టెంప‌రేచ‌ర్‌ను బ‌ట్టి అడ్జ‌స్ట్ అయ్యే కాఫీ మ‌గ్ ఇచ్చినందుకు త్రిష చిరుకి థ్యాంక్స్ చెప్పారు. యూవీ క్రియేష‌న్స్ నిర్మిస్తున్న విశ్వంభ‌ర సినిమాకు వశిష్ఠ మ‌ల్లిది ద‌ర్శ‌క‌త్వం వ‌హిస్తున్నారు. ఎంఎం కీర‌వాణి సంగీతం అందిస్తున్నారు. ఇందులో న‌టి ఇషా చావ్లా, సుర‌భి, ర‌మ్య ప‌సుపులేటి కీల‌క పాత్రల‌ను పోషిస్తున్నారు. 2025 జ‌న‌వ‌రి 10న సినిమాను రిలీజ్ చేయ‌నున్నారు.
