Dhanush: కోలీవుడ్ స్టార్ డైరెక్షన్లో టాలీవుడ్ హీరో!
Chennai: కోలీవుడ్(Kollywood) స్టార్ హీరో ధనుష్(Dhanush)ఇటీవలే తెలుగు, తమిళ్ లో సార్(Sir) సినిమాతో ఓ సూపర్ హిట్ ని తన ఖాతాలో వేసుకున్నారు. టాలీవుడ్ డైరెక్టర్ వెంకీ అట్లూరి(Venky Atluri) రూపొందించిన ఈ సినిమా 100 కోట్లకు పైగా కలెక్ట్ చేసి ధనుష్ కెరీర్ లో బిగ్గెస్ట్ హిట్ గా నిలిచింది. ధనుష్ ప్రస్తుతం కెప్టెన్ మిల్లర్ సినిమాలో నటిస్తున్నారు. మరో టాలీవుడ్ డైరెక్టర్ శేఖర్ కమ్ముల(Sekhar Kammula) దర్శకత్వంలో ఓ సినిమా ఓకే చేశారు. ఈ రెండు సినిమాల అనంతరం ధనుష్ 50వ సినిమా ప్రారంభం కానుంది. ఇప్పటికే ధనుష్ తన 50వ సినిమా సన్ పిక్చర్స్ నిర్మాణంలో ఉంటుందని ప్రకటించారు.
ఈ సినిమాలో విష్ణు విశాల్, SJ సూర్యలు ముఖ్య పాత్రలు పోషిస్తున్నారు. ఈ సినిమాని ధనుష్ డైరెక్ట్ చేయబోతున్నారు. ఈ సినిమాకు రాయన్ అనే టైటిల్ ని అనుకుంటున్నట్టు సమాచారం. అయితే ధనుష్ 50వ సినిమాలో టాలీవుడ్ హీరో సందీప్ కిషన్(Sandeep Kishan) కూడా ఓ ముఖ్య పాత్ర చేయబోతున్నట్టు తెలుస్తోంది. సందీప్ కిషన్ గతంలో తమిళ్ లో కొన్ని డైరెక్ట్ సినిమాలు చేశాడు. సందీప్ కిషన్ పలు తెలుగు సినిమాలు కూడా తమిళ్ లో డబ్ అయి రిలీజ్ అయ్యాయి. సందీప్ కి తమిళ్ లో కూడా ఎంతో కొంత మార్కెట్ ఉంది. సందీప్ చివరిసారిగా మైఖేల్ సినిమాలో నటించగా ఇది తమిళ్, తెలుగులో రిలీజయింది. ఈ సినిమా టిజర్ ని ధనుష్ లాంచ్ చేశారు.
ప్రస్తుతం సందీప్ కిషన్ ధనుష్ హీరోగా చేస్తున్న కెప్టెన్ మిల్లర్ సినిమాలో ఓ ముఖ్య పాత్ర పోషిస్తున్నాడు. ఇప్పుడు ధనుష్ 50వ సినిమాలో కూడా సందీప్ కిషన్ నటించబోతున్నట్టు సమాచారం. అదే నిజం అయితే సందీప్కి తమిళ్ ఇండస్ట్రీలో మార్కెట్ పెరగడం ఖాయమంటున్నారు అభిమానులు.
