Tiger Nageshwar Rao: పులిని వేటాడే పులి

Hyderabad: మాస్ మ‌హారాజా ర‌వితేజ (ravi teja) న‌టిస్తున్న టైగ‌ర్ నాగేశ్వ‌ర‌రావు (tiger nageshwar rao) ఫ‌స్ట్ లుక్ టీజ‌ర్ రిలీజైంది. ర‌వితేజ రా అండ్ ర‌గ్డ్ లుక్‌తో క‌నిపిస్తున్నారు. వంశీ డైరెక్ట్ చేస్తున్న ఈ సినిమా ప్రమోష‌న్స్ కూడా వెరైటీగా చేస్తున్నారు. ఫ‌స్ట్ లుక్ టీజ‌ర్‌ని గోదావ‌రి రైల్వే బ్రిడ్జ్ ట్రాక్ కింద రిలీజ్ చేసారు. ఇక‌పోతే ర‌వితేజ కెరీర్‌లో ఇది ఫ‌స్ట్ ప్యాన్ ఇండియ‌న్ సినిమా. హిందీలోనూ రిలీజ్ చేస్తున్నారు. సౌతిండియాలోనే క్రైం క్యాపిట‌ల్‌గా పేరొందిన స్టూవ‌ర్ట్‌పురం నేప‌థ్యంలో సినిమాను తీస్తున్న‌ట్లు తెలుస్తోంది. సినిమాలో రూ.1000 కోట్ల విలువైన కంటెంట్ ఉంద‌ని డైరెక్ట‌ర్ వంశీ అంటున్నారు. సినిమా రిలీజ్ అయ్యాక ఎన్ని కోట్లు క‌లెక్ష‌న్లు రాబడుతుందో తెలీదు కానీ.. ర‌వితేజ ఫ్యాన్స్ ఆక‌లిని తీరుస్తుంద‌ని ధీమా వ్య‌క్తం చేస్తున్నారు. అక్టోబ‌ర్ 20న సినిమా రిలీజ్ అవ‌బోతోంది. సినిమా పోస్ట‌ర్‌ను వీడియో కూడా టైగ‌ర్ ఫేస్ నుంచి ర‌వితేజ ఫేస్‌కి ట్రాన్సిష‌న్ చేయ‌డం కాస్త కొత్త‌గా అనిపించింది. సినిమా ఓ రేంజ్‌లో ఉండ‌బోతోందని టైటిల్ రివీల్ వీడియోతోనే అర్థ‌మైపోయింది. క్రాక్ త‌ర్వాత హిట్ లేని ర‌వితేజ‌కు టైగ‌ర్ నాగేశ్వ‌ర‌రావు ఊర‌ట‌నిచ్చేలా ఉంది.