Tharun Bhasker: ఆ హీరోల‌ను పెట్టుకుంటే కుక్క‌సావు సావాలి

Hyderabad: పెళ్లిచూపులు (pellichoopulu) సినిమాతో పాపులారిటీ తెచ్చుకున్న డైరెక్ట‌ర్ త‌రుణ్ భాస్క‌ర్ (tharun bhasker) షాకింగ్ కామెంట్స్ చేసారు. ఎందుక‌ని సెటిల్డ్ హీరోల‌తో సినిమాలు చేయ‌ర‌ని ఓ జ‌ర్న‌లిస్ట్ అడిగిన ప్ర‌శ్న‌కు త‌రుణ్ చెప్పిన స‌మాధానం హాట్ టాపిక్ మారింది. “నాకు తెలుసు మేము ఆడిష‌న్ చేసి తీసుకునే హీరోల‌కి మార్కెట్ వ్యాల్యూ ఉండదని, వాళ్ల‌కి మార్కెటింగ్ చేయ‌డానికి కుక్క‌సావు సస్తుంటాం. ఒక స్టార్ స్టేట‌స్ వచ్చిన హీరో కొన్ని సీన్స్‌ చెయ్యలేరు. కొన్ని సినిమాలు చెయ్యలేరు. ఫాన్స్ కి తగట్టు మార్చాలి. ఒక డిఫ‌రెంట్ స్టోరీ రాసినప్పుడు కొత్తవాళ్ళతో చెయ్యడానికే సాధ్యం అవుతుంది” అని తెలిపారు.

ఫ‌స్ట్ సినిమాతోనే బ్లాక్ బ‌స్ట‌ర్ హిట్ అందుకున్న త‌రుణ్‌.. ఆ త‌ర్వాత తీసిన ఈ న‌గ‌రానికి ఏమైంది సినిమా అప్ప‌ట్లో యావ‌రేజ్‌గా ఆడింది. కానీ ఈ సినిమాకు ఇన్‌స్టాగ్రామ్‌లో ఉన్న మీమ్స్ అన్నీ ఇన్నీ కావు. ఇప్పుడు ఈ సినిమాకు ఎంత క్రేజ్ వ‌చ్చిందంటే.. మొన్న ఈ న‌గ‌రానికి ఏమైంది సినిమాను రీరిలీజ్ చేస్తే కొన్ని గంట‌ల్లోనే టికెట్ల‌న్నీ అమ్ముడుపోయాయి. అది చూసి త‌రుణ్ కూడా షాక‌య్యాడు. ఈ చూసేదేదో రిలీజ్ అయిన‌ప్పుడే చూసి ఉంటే గోవాలో ఇల్లు క‌ట్టుకునేవాడిని అని ఫ‌న్నీ కామెంట్ చేసారు. ఇక ఈ న‌గ‌రానికి ఏమైంది పార్ట్ 2 తీసే ప‌నిలో ఉన్న‌ట్టున్నారు త‌రుణ్‌.