Swapna Dutt: తారక్ మాకు మంచి శకునం!
Hyderabad: RRR సినిమా సూపర్ సక్సెస్తో గ్లోబల్ స్టార్గా మారిపోయారు యంగ్ టైగర్ ఎన్టీఆర్(Jr. NTR). తారక్ ‘నిన్ను చూడాలని’ సినిమాతో హీరోగా ఎంట్రీ ఇచ్చినా హిట్ కొట్టింది మాత్రం ‘స్టూడెంట్ నెం.1’ సినిమాతోనే. దర్శకధీరుడు రాజమౌళి(SS Rajamouli) రూపొందించిన ఈ సినిమా ఎన్టీఆర్ కెరీర్కి టర్నింగ్ పాయింగ్గా మారింది. ఆ సినిమా తర్వాత ఎన్టీఆర్ వరుస హిట్ సినిమాలతో ప్రేక్షకులను అలరిస్తున్నారు. కాగా, ఈ సినిమా వైజయంతీ మూవీస్ బ్యానర్పై ప్రముఖ నిర్మాత అశ్వినీ దత్ నిర్మించారు. అప్పటినుంచీ అశ్వినీ దత్ కుటుంబానికీ, ఎన్టీఆర్కి మంచి అనుబంధం ఏర్పడింది.
తాజాగా ఎన్టీఆర్పై స్వప్న సినిమాస్ అధినేత అశ్వినీ దత్ కుమార్తె స్వప్న దత్(Swapna Dutt) ఆసక్తికర వ్యాఖ్యలు చేశారు. స్వప్న సినిమా బ్యానర్పై నిర్మించిన తాజా చిత్రం అన్నీ మంచి శకునములే. నందినీ రెడ్డి దర్శకత్వంలో రూపొందిన ఈ సినిమా మే 18న విడుదల కానుంది. ఈ సినిమా ప్రమోషన్స్లో భాగంగా మాట్లాడుతూ నిర్మాత స్వప్న దత్ ఎన్టీఆర్ గురించి పలు విషయాలు పంచుకున్నారు. ‘స్వప్న సినిమాస్కు మంచి శకునం తారక్. ఎన్టీఆర్ కెరీర్లో ఫస్ట్ హిట్ సినిమాగా నిలిచిన స్టూడెంట్ నెం.1 మా బ్యానర్లో నిర్మించిన మొదటి చిత్రం. ఇక, అప్పటినుంచీ మా అనుబంధం కొనసాగుతోంది. ఎవడే సుబ్రహ్మణ్యం రిలీజ్ టైంలోనూ తారక్ను అడగగానే వచ్చారు. మా బ్యానర్లో నిర్మించే ప్రతి సినిమాకి తారక్ని ఏదో విధంగా అనుబంధం చేయడం మాకు సెంటిమెంట్గా మారింది’ అంటూ చెప్పుకొచ్చారు స్వప్న.
