SS Rajamouli: ‘మేం ఫేమస్’ ప్రతి ఒక్కరు చూడాల్సిన సినిమా!
Hyderabad: సుమంత్ ప్రభాస్(Sumanth Prabhas), మణి ఎగుర్ల, మౌర్య చౌదరి ప్రధాన పాత్రలుగా నటించిన చిత్రం మేం ఫేమస్(Mem Famous). ఛాయ్ బిస్కెట్స్ ఈ సినిమాను నిర్మించింది. ఇక హీరోగా నటించిన సుమంత్ ప్రభాసే ఈ సినిమాకు దర్శకత్వం వహించాడు. గతంలో పిల్ల పిల్లగాడు అనే వెబ్ సిరీస్ తో సుమంత్.. మంచి పేరు తెచ్చుకున్నాడు. ఇక ఈ సిరీస్ తరువాత.. కొన్ని మ్యూజిక్ ఆల్బమ్స్ చేసిన సుమంత్.. మొదటి సారి ఈ సినిమాకు దర్శకత్వం వహించాడు. ఈ సినిమా మే 26 న విడుదలై పాజిటివ్ టాక్తో దూసుకుపోతోంది. కాగా, ఈ సినిమాకు సినీ ప్రముఖుల నుంచి కూడా ప్రశంసలు అందుతున్నాయి.
మేం ఫేమస్ సినిమా చూసిన సూపర్స్టార్ మహేష్బాబు(Mahesh Babu) సోషల్ మీడియా వేదికగా చిత్రబృందాన్ని అభినందించిన విషయం తెలిసిందే. అంతేకాదు సుమంత్ ప్రభాస్ తదుపరి సినిమాను తానే నిర్మిస్తున్నట్లు ప్రకటించారు కూడా. ఇక, తాజాగా దర్శకధీరుడు రాజమౌళి(SS Rajamouli) కూడా ఈ చిత్రబృందాన్ని మెచ్చుకోవడమే కాకుండా, ప్రతి ఒక్కరూ చూడాల్సిన సినిమా అని సర్ట్ఫికెట్ ఇచ్చారు. చాలా రోజుల తర్వాత సినిమా పూర్తిగా ఎంజాయ్ చేశాననీ, సుమంత్ ప్రభాస్కి మంచి భవిష్యత్ ఉందని అన్నారు. ఈ సినిమాలో నటించిన అంజిమామను ప్రత్యేకంగా మెచ్చుకున్నారు.
After a long time thoroughly enjoyed a film in the theatre. Watch out for this guy Sumanth. He has a bright future both as an actor and director. All the characters were nicely etched and actors performed naturally. Especially Anji mama. Highly recommend it to everyone.
Youth…
— rajamouli ss (@ssrajamouli) May 29, 2023
