Sriranga Neethulu: సుహాస్ బ్యాక్ టు బ్యాక్ సినిమాలు!
Hyderabad: తొలి సినిమా కలర్‌ఫొటోతో సాలిడ్ హిట్ అందుకున్న యంగ్ హీరో సుహాస్ (Suhas). ఈ ఏడాది రైటర్‌ పద్మభూషణ్‌గానూ ప్రేక్షకులను అలరించాడు. ఓవైపు సపోర్టింగ్ రోల్స్ చేస్తూనే హీరోగానూ బ్యాక్ టు బ్యాక్ సినిమాలను లైన్లో పెట్టాడు సుహాస్. ఇప్పటికే అంబాజీపేట మ్యారేజ్‌ బ్యాండ్ (Ambajipeta Marriage Band) సినిమా షూటింగ్తో బిజీగా ఉన్న సుహాస్ తాజాగా మరో సినిమా టైటిల్ను అనౌన్స్ చేశాడు.
ప్రవీణ్‌ కుమార్ వీఎస్‌ఎస్‌ దర్శకత్వం వహిస్తున్న సుహాస్ నటిస్తున్న ఈ మూవీ టైటిల్ అనౌన్స్ మెంట్‌ పోస్టర్‌ను లాంఛ్ చేశారు. ఈ సినిమా టైటిల్ శ్రీరంగనీతులు (Sriranga Neethulu). కేరాఫ్‌ కంచరపాలెం ఫేం కార్తీక్‌ రత్నం కూడా ఈ సినిమాలో కీలక పాత్రలో నటిస్తున్నాడు. రుహాణీ శర్మ హీరోయిన్గా నటిస్తున్న ఈ సినిమాని వెంకటేశ్వర్‌ బల్మూరి నిర్మిస్తున్నారు.
సుహాస్ ఈ సినిమాతోపాటు ఇప్పటికే ఆనందరావ్‌ అడ్వంచర్స్ అనే టైటిల్‌తో మరో సినిమా కూడా లాంఛ్ చేశాడు. రామ్‌ పసుపులేటి ఈ చిత్రానికి దర్శకత్వం వహిస్తున్నాడు. మిక్కీ జే మేయర్ సంగీతం అందిస్తున్నాడు. ఇప్పటికే విడుదల చేసిన ఫస్ట్ లుక్‌ పోస్టర్‌కు మంచి స్పందన వస్తోంది. త్వరలోనే ఈ రెండు సినిమాల రిలీజ్ డేట్ ప్రకటించనున్నట్లు తెలుస్తోంది.
