Soundarya Jagadish: కన్నడ నిర్మాత సౌంద‌ర్య జగదీష్ ఆత్మ‌హ‌త్య
Soundarya Jagadish: ప్ర‌ముఖ కన్నడ నిర్మాత సౌంద‌ర్య జగదీష్ ఆత్మ‌హ‌త్య చేసుకున్నారు. క‌ర్ణాట‌క‌లోని మ‌హాల‌క్ష్మి లేఅవుట్ ప్రాంతంలో ఉన్న ఆయ‌న నివాసంలో ఈరోజు ఉద‌యం ఆత్మ‌హ‌త్య చేసుకున్న‌ట్లు ఆయ‌న కుటుంబీకులు వెల్ల‌డించారు. జ‌గ‌దీష్‌కు ఎలాంటి అనారోగ్య స‌మ‌స్య‌లు లేవ‌ని.. కొన్ని రోజుల క్రితం ఆయ‌న‌కు బ్యాంక్ నుంచి నోటీసులు వ‌చ్చాయ‌ని ఆ కార‌ణంతోనే ఆయ‌న ఆత్మ‌హ‌త్య చేసుకుని ఉంటార‌ని జగదీష్ స్నేహితుడు శ్రేయ‌స్ పోలీసుల‌కు తెలిపాడు.
జ‌గ‌దీష్‌కి బెంగ‌ళూరులో ఓ ప‌బ్ ఉంద‌ని.. ఇటీవ‌ల ఆ ప‌బ్‌లో కొంద‌రు సెల‌బ్రిటీల‌కు గొడ‌వ జ‌రిగింద‌ని పేర్కొన్నారు. ఆయ‌న గుండెపోటుతో చ‌నిపోయాడ‌ని చాలా మంది అంటున్నార‌ని.. అందులో ఎలాంటి నిజం లేద‌ని.. ఆయ‌న ఫ్యాన్‌కు ఉరేసుకోగా హాస్పిట‌ల్‌కు త‌ర‌లించామ‌ని వెల్ల‌డించారు. పోలీసులు కేసు న‌మోదు చేసి ద‌ర్యాప్తు చేస్తున్నారు.