SK21: కమల్ హాసన్ నిర్మాణంలో శివకార్తికేయన్ సినిమా!
Chennai: విభిన్న కథలను ఎంచుకుంటూ సక్సెస్ఫుల్గా సాగుతున్న కోలీవుడ్ హీరో శివకార్తికేయన్(Sivakartikeyan). ఈ యంగ్ అండ్ టాలెంటెడ్ హీరో వరుస సినిమాలతో బిజీగా ఉన్నారు. ఇటీవలే తాను నటించిన మహావీరుడు(Mahaveerudu), అయలాన్(Ayalaan) సినిమాల రిలీజ్ డేట్ ఫిక్స్ చేసుకున్న శివకార్తికేయన్ తాజాగా మరో సినిమా పట్టాలెక్కించేశారు. ఈసారి శివకార్తికేయన్కి జోడీగా లేడీ పవర్స్టార్ సాయిపల్లవి(Sai Pallavi) నటించనుంది. ఈ ఇద్దరి కాంబినేషన్ లో యూనివర్సల్ స్టార్ కమల్ హాసన్(Kamal Haasan) నిర్మాణంలో రూపొందనున్న సినిమాని శుక్రవారం చెన్నై లో అట్టహాసంగా లాంచ్ చేశారు.
కోలీవుడ్ ప్రముఖ దర్శకుడు రాజ్ కుమార్ తెరకెక్కించనున్న ఈ చిత్రం పూజా కార్యక్రమాలు పూర్తి చేసుకుని రెగ్యులర్ షూటింగ్ ప్రారంభించేందుకు సిద్ధమైంది. SK21 తెరకెక్కనున్న ఈ సినిమా పూజా కార్యక్రమానికి సాయి పల్లవి, శివ కార్తికేయన్, కమల్ హాసన్, దర్శకుడు మరో నిర్మాత మహేంద్రన్ తదితరులు హాజరయ్యారు. ఇక ఈ చిత్రానికి జివి ప్రకాష్ సంగీతం అందిస్తున్నారు. శివకార్తికేయన్కు తెలుగు రాష్ట్రాల్లోనూ మంచి ఫాలోయింగ్ ఉన్న సంగతి తెలిసిందే. అందుకే ఈ హీరో నటిస్తున్న అన్ని సినిమాల మాదిరి ఈ సినిమా కూడా తెలుగులోనూ రిలీజ్ కానుంది.
