Shubhman Gill బాలీవుడ్‌ ఎంట్రీ..!

Mumbai: యంగ్ క్రికెట‌ర్ శుభ్‌మ‌న్ గిల్ (shubhman gill) బాలీవుడ్ ఎంట్రీ ఇచ్చే అవ‌కాశాలు కనిపిస్తున్నాయి. ఆల్రెడీ గిల్ స్పైడ‌ర్ మ్యాన్: ఎక్రాస్ ది స్పైడ‌ర్ వ‌ర్స్ అనే సినిమాకు గిల్ హిందీ, పంజాబీ భాష‌ల్లో వాయిస్ ఓవ‌ర్ ఇచ్చాడు. ఈ సినిమాను సోనీ పిక్చ‌ర్స్ ఎంట‌ర్‌టైన్‌మెంట్ సంస్థ అన్ని భాష‌ల్లో జూన్ 1న రిలీజ్ చేస్తోంది. ఈ నేప‌థ్యంలో గిల్ బాలీవుడ్ ఎంట్రీ ఇచ్చే అవ‌కాశాలు ఉన్నాయా అంటే అవున‌నే చెప్పాలి. ఎందుకంటే గిల్‌కి యాక్టింగ్ సైడ్ కూడా వెళ్లాల‌ని ఉంద‌ట‌. ఈ విష‌యాన్ని ఆయ‌న ఓ ఇంట‌ర్వ్యూలో తెలిపాడు.

“నేను సినిమాల్లో న‌టిస్తానో లేదో తెలీదు కానీ ఆ యాక్టింగ్ స్కిల్ మాత్రం నేర్చుకోవాలని ఉంది. యాక్టింగ్ క్లాసెస్ అటెండ్ అవ్వ‌డం, ట్రైనింగ్ తీసుకోవడంలాంటివి చేయాల‌నుకుంటున్నా. నాకు యాక్టింగ్ ఇంట్రెస్ట్ ఉండ‌టం వ‌ల్లే స్పైడ‌ర్ మ్యాన్ సినిమాకు హిందీ, పంజాబీలో డ‌బ్బింగ్ చెప్పా. ఒకవేళ నేను సినిమాల్లోకి వ‌స్తే మాత్రం క‌చ్చితంగా డ్రామా థ్రిల్ల‌ర్ సినిమాల్లో న‌టిస్తాను. నాకు అల్ పాచినో, టామ్ హ్యాంక్స్, జానీ డెప్ అంటే చాలా ఇష్టం. వారు ఎలాంటి సినిమాల్లో న‌టిస్తారో నాకు అలాంటివే చేయాల‌ని ఉంది” అని తెలిపాడు.

ఇక క్రికెట్ విష‌యానికొస్తే.. ఈసారి IPLలో గిల్ విద్వంసం సృష్టించేసాడు. ఐపీఎల్ 2023లో గుజ‌రాత్ టైటాన్స్ (gujarat titans) త‌ర‌ఫు ఆడిన గిల్ మోస్ట్ బౌండ‌రీస్ ఆఫ్ ది సీజ‌న్‌, గేమ్ ఛేంజ‌ర్ ఆఫ్ ది సీజ‌న్ టైటిల్స్ గెలిచేసుకున్నాడు. మొత్తానికి ఈ IPL సీజ‌న్‌లో CSK విన్న‌ర్‌గా నిల‌వ‌గా.. గుజ‌రాత్ టైటాన్స్ ర‌న్న‌ర‌ప్‌గా నిలిచింది.