NBK 109: ఛాన్స్ కొట్టేసిందిగా..!
NBK 109: ప్రస్తుతం టాలీవుడ్ సీనియర్ హీరోల్లో ఎక్కువ సక్సెస్రేట్లో ఉన్న హీరో ఎవరంటే టక్కున చెప్పే పేరు నందమూరి నటసింహం బాలకృష్ణ (Nandamuri Balakrishna). ఎందుకంటే మెగాస్టార్ చిరంజీవి, కింగ్నాాగార్జున, విక్టరీ వెంకటేశ్తో పోలిస్తే ప్రస్తుతానికి ఆయనే హ్యాట్రిక్ హిట్స్తో కెరీర్లో పీక్ స్టేజ్లో ఉన్నారు. అఖండ, వీర సింహారెడ్డి, భగవంత్ కేసరి అంటూ వరుస బ్లాక్ బస్టర్ను ఖాతాలో వేసుకున్నారు. ప్రస్తుతం ఆయన NBK 109 వర్కింగ్ టైటిల్తో ఓ సినిమా చేస్తున్నారు. తాజాగా ఈ సినిమా షూటింగ్ ప్రారంభమైన విష‌యం తెలిసిందే. ఇదిలా ఉంటే.. తాజాగా ఈ సినిమా నుంచి ఒక సాలిడ్ న్యూస్ బ‌య‌ట‌కు వ‌చ్చింది.
పవర్‌ఫుల్‌ యాక్షన్‌ కథాంశంతో ఈ చిత్రం రెగ్యులర్‌ షూటింగ్ను జరుపుకుంటోంది. ఇప్పటికే బ్లడ్‌ బాత్‌కు బ్రాండ్‌ నేమ్‌.. వయలెన్స్‌కు విజిటింగ్‌ కార్డ్‌ అనే క్యాప్షన్‌తో విడుదలైన పోస్టర్కూడా సినీ ప్రియులను బాగా ఆకట్టుకుంది. సితార ఎంటర్‌టైనర్‌మెంట్‌ బ్యానర్పై సూర్య దేవరనాగవంశీ, సాయి సౌజన్య చిత్రాన్ని భారీ బడ్జెట్తో నిర్మిస్తున్నారు.
ఇప్పుడు సినిమాలో బాలీవుడ్ భామ ఊర్వశి రౌతేలా నటించనున్నట్లు క్లారిటీ వచ్చేసింది. ఎందుకంటే తాజాగా మూవీటీమ్ ఓ స్పెషల్ వీడియోను రిలీజ్ చేసింది. ఇందులో ఎన్బీకే 109 టీమ్ఈ ముద్దుగుమ్మ బర్త్డే వేడుకలను గ్రాండ్గా జరిపింది. షూటింగ్స్పాట్లో ఈ సెలబ్రేషన్స్తో ఆమెకు సర్ప్రైజ్ ఇచ్చింది. అందరూ కేక్ కట్చేసి తినిపించుకుంటూ సరదాగా గడిపారు. తన బర్త్డేను గ్రాండ్గా జరిపిన మూవీటీమ్కు ఆమె హృదయపూర్వక ధన్యవాదాలు కూడా తెలిపారు. వీడియోలో దర్శకుడు బాబీ కూడా సందడి చేశారు. కేక్ తినమంటే సిగ్గుపడుతూ, కొంచెం కొంచెంగా కొరుక్కుతింటూ కనిపించారు. ప్రస్తుతం ఈ వీడియో సోషల్ మీడియాలో వైరల్ అవుతోంది. (NBK 109)
ALSO READ: Balakrishna: లైన్‌లో ఎనిమిది మంది దర్శకులు..!
అయితే తాజాగా అందిన సమాచారం ప్రకారం ఈ చిత్రంలో శ్రద్ధా శ్రీనాథ్‌ ఓ కథానాయికగా కనిపించనుందని తెలిసింది. ఆమె రీసెంట్గా ఈ చిత్ర సెట్స్‌లోకి అడుగు పెట్టినట్లు సమాచారం అందింది. ప్రస్తుతం ఈ మూవీ నైట్‌ షెడ్యూల్‌ హైదరాబాద్‌లో జరుగుతోంది. ఇందులో భాగంగా బాలకృష్ణపై ఓ భారీ పోరాట ఘట్టాన్ని చిత్రీకరిస్తున్నారని తెలిసింది.
బాలకృష్ణ తాజాగా న‌టిస్తున్న క్రేజీ ప్రాజెక్ట్ NBK 109 లో వాల్తేరు వీరయ్యతో ఈ ఏడాది బ్లాక్ బస్టర్ అందుకున్న బాబీ ఈ సినిమాకు ద‌ర్శ‌క‌త్వం వ‌హిస్తున్నాడు. బాబీ తీసే సినిమాల‌లో ఒక ప్ర‌త్యేక ఐటమ్ సాంగ్ ఉంటుందన్న విష‌యం తెలిసిందే. బాబీ గతంలో ఎన్టీఆర్తో జై లవకుశ సినిమా చేయ‌గా.. ఈ మూవీలో స్వింగ్ జర ఐటమ్ సాంగ్ ఒక రేంజ్‌లో బ్లాక్ బస్టర్ అయ్యింది. దీని త‌ర్వాత రీసెంట్గా వ‌చ్చిన వాల్తేరు వీరయ్య సినిమాలో బాస్ పార్టీ సాంగ్ కూడా సూపర్ హిట్‌గా నిలిచింది.
అయితే తాజాగా వ‌స్తున్న ఎన్బీకే 109 సినిమాలో కూడా బాబీ ఒక ఐటమ్ సాంగ్ ప్లాన్ చేస్తున్న‌ట్లు తెలుస్తుంది. ఇక ఈ సాంగ్ కోసం మిల్కీ బ్యూటీ తమన్నాను సంప్ర‌దించిన‌ట్లు టాక్. దీనిపై తమన్నా కూడా ఓకే చెప్పిన‌ట్లు సమాచారం. సితార బ్యానర్పై సూర్యదేవర నాగవంశీ, ఎస్‌.సాయి సౌజన్య సంయుక్తంగా ఈ చిత్రాన్ని నిర్మిస్తున్నారు.
మ‌రోవైపు ఈ సినిమాలో ప్రముఖ మల‌యాళ నటుడు దుల్కర్ సల్మాన్ ఓ కీలక పాత్రలో నటిస్తున్నట్లు సోషల్ మీడియాలో వార్తలు వస్తున్నాయి. అయితే దీనిపై మేక‌ర్స్ అధికారిక ప్రకటన ఇవ్వాల్సి ఉంది. అయితే న‌ట సింహం బాలకృష్ణతో దుల్కర్ సల్మాన్ కలిసి వెండితెరపై కనిపిస్తే ఎలా ఉంటుందో అని ప్రేక్షకులు ఆస‌క్తిగా ఎదురుచూస్తున్నారు.
