అర్మాన్ కాన్సర్ట్లో సమంత సందడి!
Hyderabad: టాలీవుడ్ స్టార్ హీరోయిన్ సమంత(Samantha) నటించిన తాజా సినిమా శకుంతలం(Shaakunthalam). గుణశేఖర్(Guna Shekar) దర్శకత్వంలో రూపొందుతున్న ఈ సినిమా ఏప్రిల్ 14న ప్రపంచ వ్యాప్తంగా విడుదల కానుంది. విడుదల తేదీ దగ్గరపడుతుండటంతో ప్రమోషన్స్ చురుగ్గా పాల్గొంటున్నారు సమంత. వరుస ఇంటర్వ్యూలు, ఇంటరాక్షన్తో బిజీబిజీగా ఉన్నారు. తాజాగా ఒక స్వచ్ఛంద సంస్థ హైదరాబాద్ లో నిర్వహించిన అర్మాన్ మాలిక్(Armaan Malik) కాన్సర్ట్లోనూ మెరిసి అభిమానులను అలరించారు సామ్. ఈ కాన్సర్ట్లో బాలీవుడ్ స్టార్ సింగర్ ఆర్మాన్ మాలిక్ సూపర్ హిట్ సాంగ్స్ తో పాటు తన అద్భుతమైన ప్రదర్శనతో అందరినీ ఆకట్టుకున్నాడు.
హైదరాబాద్‌లోని అతిపెద్ద స్టూడెంట్ ఎన్జీవో సంస్థ స్ట్రీట్ కాజ్(street cause). ఈ సంస్థ ఎన్నో సేవా కార్యక్రమాలు నిర్వహిస్తూ.. ప్రముఖులతో ప్రత్యేక కార్యక్రమాలు కూడా చేస్తూ వస్తోంది. ఈక్రమంలోనే బాలీవుడ్ స్టార్ సింగర్ అర్మాన్ మాలిక్ అండ్ టీమ్ తో బషీర్‌బాగ్‌లోని LB స్టేడియంలో భారీ లైవ్ కాన్సర్ట్ని నిర్వహించింది. ఈ షోలో నటి సమంత పాల్గొని అలరించారు. శకుంతలం చిత్రబృందం కూడా పాల్గొని సినిమాను ప్రమోట్ చేశారు. నీలిమ గుణ, దిల్ రాజు(Dil Raju) సంయుక్తంగా నిర్మించిన ఈ సినిమాతో అల్లు అర్జున్(Allu Arjun) కూతురు అల్లు అర్హ(Allu Arha) మొదటిసారి వెండితెరకు పరిచయం కానుంది.
