RAPO20: మాస్ జాతర.. అదిరిపోయిందిగా!
Hyderabad: టాలీవుడ్ ఎనర్జిటిక్ హీరో రామ్ పోతినేని(Ram Pothineni) ‘ఇస్మార్ట్ శంకర్’(Ismart Shankar) సినిమాతో ఊర మాస్ యాక్టర్గా మారిపోయారు. ఆ తర్వాత సినిమాలన్నీ మాస్ బ్యాగ్రౌండ్తోనే వస్తున్నాయి. ఇక రామ్ ప్రస్తుతం టాలీవుడ్ మాస్ డైరెక్టర్ బోయపాటి శ్రీను(Boyapati Srinivas) డైరెక్షన్లో ఓ సినిమాలో నటిస్తున్న విషయం తెలిసిందే. పక్కా మాస్ కమర్షియల్ ఎంటర్టైనర్ గా తెరకెక్కుతున్న ఈ సినిమా నుంచి రిలీజ్ పోస్టర్ ఆడియన్స్ ని బాగా ఆకట్టుకున్నాయి. మే 15న రామ్ పుట్టినరోజు సందర్భంగా ఈ సినిమా నుంచి పవర్ ఫుల్ గ్లింప్స్ ని విడుదల చేసి అభిమానులకు ఫుల్ ట్రీట్ ఇచ్చారు మేకర్స్.
తాజాగా విడుదలైన గ్లింప్స్ మొత్తాన్ని ఎప్పటిలానే యాక్షన్ సీక్వెన్స్ తో నింపేసాడు బోయపాటి. అంతేకాదు ఈ సినిమా కోసం రామ్ బాడీని కూడా పెంచినట్టున్నాడు. ఇక ఈ గ్లింప్స్ లో ‘నీ స్టేట్ దాటలేనన్నావ్ దాటా. నీ గేట్ దాటలేనన్నావ్ దాటా. నీ పవర్ దాటలేనన్నావ్ దాటా. ఇంకేంటి దాటేది నా బొంగులో లిమిట్స్’ అంటూ రామ్ చెప్పిన మాస్ డైలాగ్ అదిరిపోయింది. కాగా ఈ సినిమాని శ్రీనివాసా సిల్వర్ స్క్రీన్ బ్యానర్ పై చిట్టూరి శ్రీనివాస ఈ చిత్రాన్ని నిర్మిస్తున్నారు.
ఈ సినిమాలో రామ్ కి జోడిగా టాలీవుడ్ సెన్సేషన్ శ్రీలీల (Sreeleela) నటిస్తోంది. ఈ సినిమాను పాన్ ఇండియా రేంజ్లో దసరా కానుకగా అక్టోబర్ 20న విడుదల చేయనున్నారు. ఈ సినిమాకు ఎస్ ఎస్ థమన్ సంగీతం అందిస్తున్నారు. గ్లింప్స్లోనే ఈ రేంజ్ డైలాగ్స్తో అదరగొట్టిన బోయపాటి సినిమాలో ఎలాంటి మాస్ డైలాగ్స్తో అదరగొట్టనున్నాడో చూడాలి మరి!
