Rana Naidu: సీజన్ 2 వచ్చేస్తోంది!
Hyderabad: దగ్గుబాటి రానా(Rana), విక్టరీ వెంకటేష్(Venkatesh) నటించి సంచలనం సృష్టించిన సిరీస్ రానా నాయుడు(Rana Naidu). ఫ్యామిలీ హీరోగా పేరు తెచ్చుకున్న వెంకటేష్ ఊహించని పాత్రలో నటించి అభిమానులను ఆశ్చర్యపరిచారు. ప్రముఖ ఓటీటీ నెట్ఫ్లిక్స్(Netflix)లో విడుదలైన ఈ సిరీస్ని పలువురు సినీ ప్రముఖులు కూడా విమర్శించారు. అయితే మంచి, చెడు రెండింటిలోనూ సంచలనంగా నిలిచారు బాబాయ్, అబ్బాయ్. మొదటగా, తెలుగు కుటుంబాలు మరియు నటుడు వెంకటేష్ యొక్క మహిళా అభిమానుల నుండి ఎదురుదెబ్బలు ఉన్నప్పటికీ షో ప్రపంచవ్యాప్తంగా భారీ విజయాన్ని సాధించింది. కానీ, విపరీతమైన బూతులు, అశ్లీలతో పలు విమర్శలు అందుకుంది.
ఈ సిరీస్ని చూసి పలువురు రాజకీయ, సినీ ప్రముఖులు నేరుగానే విమర్శించినా ట్రెండింగ్లో ఉంటూ రికార్డులు సృష్టించింది రానా నాయుడు. మిగతా భాషల కంటే తెలుగులో విపరీతమైన ట్రోల్స్ ఎదుర్కొన్న ఈ సిరీస్ తెలుగు వెర్షన్ను నెట్ఫ్లిక్స్ తొలగించింది. అయితే ఈ సిరీస్పై తాజా అప్డేట్ ఇచ్చింది నెట్ఫ్లిక్స్. ఇన్ని విమర్శల మధ్య సూపర్ హిట్గా నిలిచిన ఈ సిరీస్కు రెండవ సీజన్ రాబోతోందని ప్రకటించింది. ‘ఏం బాధపడకండీ.. మీ కిరికిరికి సమాధానం చెప్పేందుకు రానా నాయుడు సీజన్ 2తో వచ్చేస్తున్నాడు’ అంటూ పోస్ట్ చేశారు. IMDB యొక్క ప్రముఖ భారతీయ ప్రముఖుల ర్యాంకింగ్‌లో వారంలో అగ్రస్థానంలో నిలిచిన రానా, వెంకటేష్తో మరో సీజన్ను నిర్మించనున్నట్లు వెల్లడించారు మేకర్స్.
రానా నాయుడుతో తను సాధారణంగా చేసే పాత్రల పరిధి దాటి నటించానని వెంకీ స్వయంగా ప్రకటించారు. విడుదలకు ముందే ఈ సిరీస్ని కుటుంబంతో కలిసి చూడకండి అని చెప్పుకొచ్చారు. రిలీజ్ తర్వాత కూడా పలు విమర్శలపై స్పందించిన రానా ప్రేక్షకులకు క్షమాపణ చెప్పారు.
