RAPO20: బర్త్డే స్పెషల్.. ఫ్యాన్స్కి అదిరిపోయే ట్రీట్!
Hyderabad: డైరెక్టర్ పూరీ జగన్నాథ్(Puri Jagannath) దర్శకత్వంలో వచ్చిన ‘ఇస్మార్ట్‌ శంకర్’ సినిమాతో రామ్ పోతినేని(Ram Pothineni) మాస్ హీరోగా మారారు. ఎనర్జిటిక్ హీరో రామ్లోని తనలోని మాస్ కోణాని ప్రేక్షకులకు పరిచయం చేశారు పూరీ. అంతేకాకుండా ఈ చిత్రం త‌ర్వాత రామ్ క‌థ‌ల ఎంపిక పూర్తిగా మారింది. గతేడాదిలో వచ్చిన ‘రెడ్‌’.. ఇటీవలే వచ్చిన ‘ది వారియర్‌’ చిత్రంలోనూ మాస్ షేడ్స్ ఉన్న పాత్రలో నటించి మెప్పించాడు.
ఈ రెండు సినిమాలు బాక్సాఫీస్‌ దగ్గర భారీ విజయాలు సాధించలేకపోయినప్పటికి.. రామ్‌కు మాత్రం మాస్‌లో మంచి పాపులారిటీ వచ్చింది. ఇక ఇప్పుడు ఏకంగా బోయపాటితో సినిమా చేస్తుండటంతో అందరిలోనూ తీవ్ర ఆసక్తి నెలకొంది. ఇప్పటికే రిలీజైన పోస్టర్‌లు ప్రేక్షకులను తెగ ఆకట్టుకున్నాయి. ప్రస్తుతం ఈ సినిమా షూటింగ్‌ శరవేగంగా జరుగుతుంది. ఇక ఇదిలా ఉంటే తాజాగా మేకర్స్‌ ఈ సినిమాకు సంబంధించిన బిగ్‌ అప్‌డేట్‌ను ప్రకటించారు.
రామ్ బర్త్డే సందర్భంగా మే 15న ఈ సినిమాకు సంబంధించిన ఓ స్పెషల్ వీడియోను రిలీజ్‌ చేస్తున్నట్లు చిత్రబృందం ప్రకటించింది. ఈ మేరకు ఓ పోస్టర్‌ను కూడా విడుదల చేసింది. ఇక ఆ పోస్టర్‌లో రామ్ మాస్ అవతారంలో అదిరిపోయాడు. అవుట్‌ అండ్‌ అవుట్‌ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమా దసరా కానుకగా అక్టోబర్‌ 20న ప్రేక్షకుల ముందుకు రానుంది. శ్రీనివాస్‌ చిట్టూరి నిర్మిస్తున్న ఈ సినిమాలో శ్రీలీల హీరోయిన్‌గా నటిస్తుంది. RAPO20 వర్కింగ్ టైటిల్తో రూపొందుతున్న ఈ సినిమా టైటిల్ ని కూడా రామ్ బర్త్డే సందర్భంగా ప్రకటించనున్నట్లు తెలుస్తోంది.
