Pushpa 2: మరో రెండు అదిరిపోయే గెటప్స్
Hyderabad: ఐకాన్ స్టార్ అల్లు అర్జున్(Allu Arjun) నటిస్తున్న ‘పుష్ప-2(Pushpa2)’ రిలీజ్‌కు ముందే సెన్సేషన్ క్రియేట్ చేస్తోంది. ఇప్పటికే ఈ సినిమా నుంచి రిలీజ్ అయిన వీడియో గ్లింప్స్ భారీ అంచనాలు ఏర్పడేలా చేసింది. ఇక, గంగమ్మతల్లి లుక్‌లో బన్నీ ఫస్ట్ లుక్ పోస్టర్ సోషల్ మీడియాను షేక్ చేస్తోంది. ఎవరూ ఊహించని విధంగా బన్నీ కనిపించడంతో అభిమానులు తెగ సంబరపడిపోతున్నారు. సుకుమార్(Sukumar) దర్శకత్వంలో రూపొందుతున్న ఈ సినిమా ఎలా ఉండబోతోందనే విషయంపై సినీవర్గాల్లోనూ ఆసక్తి నెలకొంది.
ఇక ఈ సినిమా గురించి తాజాగా మరో వార్త హల్చల్ చేస్తోంది. బన్ని గంగమ్మతల్లి లుక్ ఇంకా ట్రెండింగ్లోనే ఉండగానే మరిన్ని లుక్స్కి సంబంధించిన వార్తలు ఆసక్తి రేకెత్తిస్తున్నాయి. ఈ సినిమాలో గంగమ్మతల్లి లుక్ ఓ యాక్షన్ సీక్వెన్స్‌లో భాగంగా వస్తుందని చిత్ర యూనిట్ చెబుతోంది. అయితే, ఈ లుక్‌తో పాటు బన్నీని మరో రెండు వైవిధ్యమైన గెటప్స్‌లో చూపెట్టేందుకు సుకుమార్ రెడీ అవుతున్నారట. ఈ లుక్స్‌ను కూడా ఎవరూ ఊహించని విధంగా సుక్కు డిజైన్ చేసినట్లు టాక్.
పుష్ప2 సినిమాలో బన్నీని ఎప్పుడూ చూడని విధంగా చూపించడం ఖాయమని తెలుస్తోంది. ఈ లుక్స్‌ను సినిమాలో చాలా సీరియస్ సీక్వెన్స్‌లలో రివీల్ చేయబోతున్నట్లు టాక్. మరి నిజంగానే బన్నీని మరో రెండు లుక్స్‌లో చూపెట్టి, ఈ సినిమాపై అంచనాలను అమాంతం పెంచేసేందుకు సుకుమార్ అండ్ టీమ్ ప్లాన్ చేస్తున్నారట. ఒకవేళ ఇదే నిజమైతే, ఈ సినిమా సెన్సేషన్ క్రియేట్ చేయడం ఖాయం. ఈ సినిమాలో రష్మిక మందన్నా(Rashmika Mandanna) శ్రీవల్లిగా ప్రేక్షకులను ఆకట్టుకునేందుకు రెడీ అవుతోంది. దేవిశ్రీ ప్రసాద్(Devi sri Prasad) సంగీతం అందిస్తున్న ఈ సినిమా పాటల కోసం ఆసక్తిగా ఎదురు చూస్తున్నారు బన్నీ అభిమానులు.
