PS2: వంద కోట్ల క్లబ్లో..!
Hyderabad: కోలీవుడ్ స్టార్ డైరెక్టర్ మణిరత్నం(Mani Ratnam) రూపొందించిన హిస్టారికల్ మూవీ పొన్నియన్ సెల్వన్(Ponniyan Selvan). దక్షిణ భారతదేశాన్ని పాలించిన చోళుల చరిత్ర ఆధారంగా తెరకెక్కిన ఈ సినిమాకు సీక్వెల్గా తాజాగా పొన్నియన్సెల్వన్2(PS2) రిలీజ్ అయ్యింది. ఏప్రిల్ 28న రిలీజైన ఈ సినిమా భారీ విజయాన్ని అందుకుంది.
మణిరత్నం డైరెక్షన్లో రూపొందిన ఈ సినిమాలో ప్రముఖ నటీనటులైన చియాన్ విక్రమ్(Vikram), జయం రవి(Jayam Ravi), కార్తీ(Karthi), ఐశ్వర్య రాయ్(Aishwarya Rai Bachchan), త్రిష(Trisha), శోభితా ధూళిపాల, ఐశ్వర్య లక్ష్మీ మొదలైన వాళ్లు ప్రధాన పాత్రల్లో కనిపించారు. ప్రతిష్టాత్మకంగా రూపొందిన ఈ సినిమాకి ఆస్కార్ విన్నర్ ఏ ఆర్ రెహమాన్ సంగీతం అందించారు.ఈ సినిమా ఏప్రిల్ 28న రిలీజ్ కాగా పార్ట్ 1 తో పోలిస్తే తక్కువ ఓపెనింగ్స్ అందుకున్నప్పటికీ హిట్ టాక్ రావడంతో రెండో రోజు భారీ కలెక్షన్లు రాబట్టింది. దీనితో ఈ చిత్రం కేవలం రెండు రోజుల్లోనే వరల్డ్ వైడ్ గా 100 కోట్ల క్లబ్ లో జాయిన్ అయ్యిపోయింది. ఈ విషయాన్ని స్వయంగా నిర్మాణ సంస్థ లైకా ప్రొడక్షన్స్ సోషల్ మీడియా వేదికగా ప్రకటించడంతో అభిమానులు సంబరపడిపోతున్నారు. పొన్నియన్ సెల్వన్ మొదటి భాగం సుమారు 600 కోట్లకి పైగా రాబట్టింది. మరి రెండో భాగం ఎన్ని కోట్లు రాబడుతుందో చూడాలి మరి!
