Project K: అదిరిపోయే అప్డేట్.. వీడియో వైరల్!
బాహుబలితో పాన్ఇండియా స్టార్గా ఎదిగారు యంగ్ రెబల్ స్టార్ ప్రభాస్. బాహుబలి తర్వాత ప్రభాస్ వరుసగా పాన్ ఇండియా సినిమాలతో బిజీగా ఉన్న సంగతి తెలిసిందే. ప్రభాస్ రాముడిగా బాలీవుడ్ డైరెక్టర్ ఓం రౌత్ రూపొందిస్తున్న ఆదిపురుష్ సినిమా కూడా జూన్లో ప్రేక్షకుల ముందుకు రాబోతుంది. అంతేకాదు సలార్, ప్రాజెక్ట్ K, మారుతి సినిమాలు వరుసగా షూటింగ్ జరుపుకుంటున్నాయి. వీటిలో సలార్, ప్రాజెక్ట్ K సినిమాలపై భారీ అంచనాలు ఉన్నాయి. నాగ్ అశ్విన్ దర్శకత్వంలో వైజయంతి మూవీస్ బ్యానర్ పై దాదాపు 450 కోట్ల భారీ బడ్జెట్ తో తెరకెక్కుతున్న సినిమా ప్రాజెక్ట్ K.
ప్రస్తుతం ప్రాజెక్ట్ K సినిమా షూటింగ్ దశలో ఉంది. ఈ సినిమాలో దీపికా పదుకొనే, అమితాబ్, దిశా పఠాని.. ఇలా బాలీవుడ్ స్టార్స్ నటిస్తున్నారు. సినిమాలో గ్రాఫిక్స్ కూడా ఓ రేంజ్ లో ఉండబోతున్నాయి. ఇటీవల ఈ సినిమా నుంచి స్క్రాచ్ ఎపిసోడ్ అంటూ మేకింగ్ వీడియోని రిలీజ్ చేశారు. తాజాగా ప్రాజెక్ట్ K నుంచి స్క్రాచ్ ఎపిసోడ్ 2 అంటూ మరో వీడియోని రిలీజ్ చేశారు. ఈ వీడియోలో రైడర్స్ ఎవరు అంటూ డిస్కషన్ జరుగుతుంది. చిత్రయూనిట్ ఆ రైడర్స్ గురించి ఒక్కొక్కరు ఒక్కోలా చెప్తారు. రైడర్స్ మేకింగ్ వీడియోని చూపించారు. గ్రాఫిక్స్ లో రైడర్స్ అనే వాళ్ళని ఎలా తయారు చేశారు, షూటింగ్ ఎలా చేస్తున్నారు అని చూపించారు. దీంతో ఈ వీడియో చూశాక రైడ్ఫర్స్ ఈ సినిమాలో విలన్స్ అయి ఉండొచ్చు అనిపిస్తుంది. కొంతమంది ప్రభాస్ తరపున ఉండే సైన్యం అని కూడా కామెంట్స్ చేస్తున్నారు. మొత్తానికి సినిమాలో ఈ రైడర్స్ అనే వాళ్ళు ఓ ముఖ్య పాత్ర పోషిస్తున్నట్టు తెలుస్తుంది.
ఈ వీడియో, గతంలోకి కొన్ని పోస్టర్స్ చూశాక ఇది ఓ యుద్ధానికి సంబంధించిన కథ అని అర్ధమవుతుంది. ప్రాజెక్ట్ K నుంచి ఏ అప్డేట్ వస్తుందా అని ఎదురు చూస్తున్న సమయంలో మేకర్స్ ఈ వీడియో రిలీజ్ చేయడంతో అభిమానులు సంతోషం వ్యక్తం చేస్తున్నారు. ఇది చూశాక సినిమాపై మరిన్ని అంచనాలు ఏర్పడుతున్నాయి. ఇక ప్రాజెక్ట్ K సినిమా 2024 సంక్రాంతి కానుకగా జనవరి 12న రిలీజ్ చేయబోతున్నట్టు గతంలోనే ప్రకటించారు మేకర్స్. రాధేశ్యామ్తో నిరాశపరిచిన డార్లింగ్ నుంచి ఈ ఏడాది వరుస సినిమాలు రాబోతున్న సంగతి తెలిసిందే.
