Salaar: రెండు భాగాలు.. కన్‌ఫార్మ్ చేసిన నటుడు!
Hyderabad: సెన్సేషనల్ డైరెక్టర్ ప్రశాంత్ నీల్(Prashanth Neel) దర్శకత్వంలో పాన్ ఇండియా స్టార్ ప్రభాస్ (Prabhas) నటిస్తున్న మోస్ట్ అవెయిటెడ్ మూవీ సలార్(Salaar). కేజీఎఫ్(KGF), కేజీఎఫ్2(KGF2) భారీ సక్సెస్ల తర్వాత ప్రశాంత్ నీల్ తెరకెక్కిస్తున్న సినిమా కావడంతో దీనిపై పాన్ఇండియా స్థాయిలో భారీ అంచనాలే ఉన్నాయి. ప్రస్తుతం ఈ మూవీ ఇటలీలో షూటింగ్ జరుపుకుంటోంది. అక్కడ జరుగుతున్న ప్రభాస్ పై యాక్షన్ సీక్వెన్స్ షెడ్యూల్ గురించి రాస్తూ ఇటలీ మీడియా .. సలార్ రెండు భాగాలుగా రాబోతుంది అంటూ పేర్కొంది. దీంతో సలార్ రెండు భాగాలుగా రాబోతోందంటూ ఓ వార్త సోషల్ మీడియాలో వైరల్గా మారింది.
అయితే దీని పై చిత్ర యూనిట్ అధికారికంగా ఎటువంటి క్లారిటీ ఇవ్వలేదు. కాగా ఇప్పుడు ఇదే నిజమేనని తెలుస్తోంది. సలార్ సినిమాలో నటిస్తున్న ప్రముఖ నటుడు దేవరాజ్(Devaraj) ఓ ఇంటర్వ్యూ సందర్భంగా స్వయంగా ఈ విషయాన్ని కన్‌ఫార్మ్ చేశారు. తాను ప్రభాస్ తో కలిసి సలార్ సినిమాలో నటిస్తున్నట్లు తెలియజేసిన దేవరాజ్.. మొదటి భాగంలో తన పాత్ర పెద్దగా కనిపించదని, సెకండ్ పార్ట్ లో తన పాత్ర ప్రాధాన్యత ఉంటుందని వెల్లడించారు. దీంతో సలార్ రెండు భాగాలుగా రానుందనే విషయం కన్ఫామ్ అయ్యింది. కాగా ఈ సినిమాకి సంబంధించిన మరో వార్త కూడా సోషల్ మీడియాలో హల్చల్ చేస్తోంది. సలార్ క్లైమాక్స్ ఎపిసోడ్లో యశ్ ఎంట్రీ ఇవ్వబోతున్నాడని, కేజీఎఫ్ 2 ని కనెక్ట్ చేసేలా రాకీ భాయ్ ఎంట్రీ ఇవ్వనున్నాడని వార్తలు వచ్చాయి. అయితే కేజీఎఫ్కీ సలార్కీ సంబంధం లేదనీ, యశ్(Yash) ఈ సినిమాలో అతిథి పాత్రలో కనపడనున్నారనీ సమాచారం. ఇక సలార్ సినిమాలో శ్రుతి హాసన్(Shruti Haasan) హీరోయిన్ గా నటిస్తుండగా పృథ్వీరాజ్ సుకుమారన్, జగపతిబాబు కీలక పాత్రల్లో కనిపించనున్నారు.
