Prabhas: మారుతి సినిమాలో క్యూట్ లుక్స్లో డార్లింగ్.. ఫొటో లీక్!
Hyderabad: యంగ్ రెబల్ స్టార్ ప్రభాస్(Prabhas) ప్రాజెక్ట్ K(Project K), సలార్(Salaar), ఆదిపురుష్(Adipurush) వంటి వరుస పాన్ ఇండియా ప్రాజెక్టులతో చాలా బిజీగా ఉన్నారు. ఇక వీటితోపాటు డైరెక్టర్ మారుతీ సినిమా షూటింగ్లో కూడా పాల్గొంటున్నారు డార్లింగ్. ప్రస్తుతం ప్రభాస్ మారుతీ(Maruthi) సినిమా షూటింగ్ లో ఉన్నట్లు తెలుస్తుంది. ఇక ఈ సినిమాలో ప్రభాస్ సరసన రిద్ది కుమార్ (Riddhi Kumar), నిధి అగర్వాల్ (Nidhi Agerwal), మాళవిక మోహనన్ (Malavika Mohanan) నటించబోతున్నట్లు వార్తలు వచినప్పటికీ, ఇప్పటి వరకు దీని పై చిత్ర యూనిట్ ఎటువంటి అధికారిక ప్రకటన ఇవ్వలేదు.
ఈ సినిమా పూజ కార్యక్రమాలతో లాంచ్ కాకపోయినా సైలెంట్ గా షూటింగ్ మొత్తం కంప్లీట్ చేసేసుకుంటుంది. హారర్ కామెడీ బ్యాక్ డ్రాప్ తో ఈ సినిమా ఉండబోతున్నట్లు తెలుస్తుంది. ఈ సినిమా కోసం ప్రత్యేకంగా ఒక పాత థియేటర్ సెట్ కూడా వేయించారని టాక్. తాజాగా ఈ సినిమా నుంచి ఒక ఫోటో లీక్ అయ్యింది. ఆ ఫొటోలో ప్రభాస్, రిద్ది జంటగా కనిపిస్తున్నారు. ఇక ప్రభాస్ అయితే గుబురు గడ్డంతో డిఫరెంట్ లుక్ లో కనిపిస్తున్నాడు. ఈ లుక్స్ ని చూసిన ప్రభాస్ అభిమానులు ఫిదా అవుతున్నారు. ఎటువంటి హడావుడి లేకుండా వచ్చి బ్లాక్ బస్టర్ ని అందించేలా ఉన్నాడు అంటూ మారుతీని పొగిడేస్తున్నారు.
