Posani: బెస్ట్ లోఫర్.. బెస్ట్ ఎద‌వ అవార్డులు ఇవ్వాలి
Hyderabad: ప్ర‌ముఖ న‌టుడు, వైసీపీ(ycp) నేత పోసాని కృష్ణ‌మురళి(posani krishnamurali).. నిర్మాత అశ్విని దత్(ashwini dutt)పై చేసిన కామెంట్లు సంచ‌ల‌నంగా మారాయి. ఆంధ్ర‌ప్ర‌దేశ్ రాష్ట్ర ప్ర‌భుత్వం నంది అవార్డులు ఇవ్వ‌డం మానేసింది. దీని వెనక చాలా కారణాలు ఉన్నాయి. అయితే ప్ర‌భుత్వం అవార్డులు ఇవ్వ‌క‌పోవ‌డం గురించి అశ్విని దత్ మాట్లాడుతూ.. “ఇప్పుడు ప్ర‌ముఖ గూండా, రౌడీల‌కు అవార్డులు ఇస్తారు. సినిమాల‌కు అవార్డులు ఇచ్చే స‌మ‌యం ద‌గ్గ‌ర్లోనే ఉంది” అన్నారు. ఆయ‌న మాట‌ల‌కు పోసాని కౌంట‌ర్ ఇస్తూ.. “మీకు బెస్ట లోఫర్, బెస్ట్ వెన్నుపోటుదారుడు, బెస్ట్ ఎద‌వ, బెస్ట్ స‌న్నాసి అవార్డులు ఇవ్వాలి. సూప‌ర్‌స్టార్ ర‌జినీకాంత్ ఏపీకి వ‌చ్చినందుకే మా ప్ర‌భుత్వం ఏడుస్తోంది అంటున్నారు. ఆయ‌న రోజూ ఏపీకి వ‌చ్చి చంద్ర‌బాబును పొడిగినా మాకు పోయేది ఏమీ లేదు. ర‌జినీ త‌మిళ సూప‌ర్‌స్టార్. మ‌న తెలుగు సూప‌ర్‌స్టార్ చిరంజీవి. మాకు చిరంజీవి అంటే ఎంతో ఇష్టం. చిరంజీవికి ఏపీ సీఎం జ‌గ‌న్ అంటే ఇష్టం” అని తీవ్ర కామెంట్స్ చేసారు.
