Pooja Hegde: కారు కొనిచ్చి అప్పుడు మాట్లాడండి
Mumbai:వరుస హిట్లతో టాలీవుడ్లో స్టార్ హీరోయిన్గా ఎదిగిన బ్యూటీ పూజా హెగ్డే(Pooja Hegde). టాలీవుడ్తోపాటు బాలీవుడ్(Bollywood)లోనూ వరుస అవకాశాలతో దూసుకుపోతోంది పూజ. కాగా, పూజ ప్రస్తుతం సల్మాన్ ఖాన్(Salman Khan)తో కలిసి నటించిన ‘కిసి కా భాయ్ కిసి కా జాన్’(Kisi Ka Bhai Kisi ka Jaan) ప్రమోషన్స్తో బిజీగా ఉంది. ఈ సినిమా ఈద్ కానుకగా ఏప్రిల్ 21న ప్రేక్షకుల ముందుకు రానుంది. ఈ సినిమా హిందీతోపాటు తెలుగులోనూ విడుదల కానుంది. ఇక, ఈ సినిమాలో ఓ కీలకపాత్రలో విక్టరీ వెంకటేష్(Venkatesh) కూడా కనిపించనున్నారు. ఇటీవల విడుదలైన ఏంటమ్మా.. పాటలో రామ్ చరణ్(Ram Charan) కూడా చిందులేసి ప్రేక్షకులను అలరించారు.
కాగా, సినిమా ప్రమోషన్స్లో భాగంగా ఓ ఇంటర్వ్యూలో మాట్లాడిన పూజ తనపై వస్తున్న రూమర్స్పై స్పందించింది. భజరంగీ భాయిజాన్ సీక్వెల్లో తను సల్మాన్ సరసన నటిస్తున్నానని వస్తున్న వార్తలో వాస్తవం లేదని స్పష్టం చేసింది. ‘అసలు ఇలా ఎలా మాట్లాడతారు. నామీద చాలా పుకార్లు వస్తున్నాయి. వాటిని ఎవరు క్రియేట్ చేస్తున్నారో తెలియదు. నేను వాటన్నింటికీ సమాధానం చెబుతూ ఉండలేను’ అంటూ అసహనం వ్యక్తం చేసింది. ‘నా గురించి ఎంతలా పుకార్లు వస్తున్నాయో చూస్తుంటే ఆశ్చర్యంగా ఉంది. ఈ మధ్యనే నేను ఒక విచిత్రమైన వార్త విన్నా. అదేంటంటే… కిసీ కా భాయ్ కిసీ కా జాన్ షూటింగ్లో నాకు సౌకర్యంగా ఉండటం కోసం ఖరీదైన కారు కొన్నారట. ఇలాంటివి వింటుంటే.. ఏం మాట్లాడాలో కూడా అర్థం కావడం లేదు. మాట్లాడేవాళ్లు నాకు కారు కొనిచ్చైనా మాట్లాడండి’ అంటూ చెప్పుకొచ్చింది బుట్టబొమ్మ.
ఇక పూజ ప్రస్తుతం మహేష్(Mahesh Babu), త్రివిక్రమ్(Trivikram) కాంబినేషన్లో తెరకెక్కుతున్న SSMB28లో హీరోయిన్గా నటిస్తున్న సంగతి తెలిసిందే. రాధేశ్యామ్తో కాస్త నిరాశపడిన పూజ ఎలాగైనా పుంజుకోవాలని చూస్తోంది.
