Bro: మార్క్ చ్చేస్తున్నాడు!
Hyderabad: పవర్స్టార్ పవన్ కల్యాణ్ (Pawan Kalyan), సుప్రీం హీరో సాయి ధరమ్ తేజ్ (Sai Dharam tej) కలిసి నటించిన చిత్రం బ్రో: ది అవతార్(Bro: The avatar). తమిళ సినిమా ‘వినోదయ సిత్తం’కి ఇది రీమేక్ గా రూపొందుతోంది. ప్రముఖ నటుడు, దర్శకుడు సముద్రఖని(Samuthirakani) ఈ సినిమాను రూపొందిస్తున్నారు. ఇప్పటికే పవన్ కల్యాణ్ పార్ట్ షూటింగ్ పూర్తి చేసిన చిత్రబృందం పోస్ట్ ప్రొడక్షన్ పనుల్లో బిజీగా ఉంది. జూలై 28న విడుదల కానున్న ఈ సినిమా టైటిల్ను ఇటీవలే విడుదల చేశారు. ఈ మోషన్ పోస్టర్తో సినిమాపై అంచనాలు రెట్టింపయ్యాయి.
ఈ మోషన్ పోస్టర్లో టైటిల్ అండ్ పవన్ లుక్ పై ఆడియన్స్ నుంచి భారీ రెస్పాన్స్ వచ్చింది. ఇక థమన్ ఇచ్చిన బ్యాక్ గ్రౌండ్ స్కోర్ గూస్ బంప్స్ తెప్పించింది. టైటిల్ రిలీజ్తో సెన్సేషన్ క్రియేట్ చేసిన మేకర్స్ మరో అప్డేట్ అందించారు. ఈ సినిమాలో బ్రో స్నేహితుడైన మార్క్ ని రేపు సాయంత్రం 4:14 నిమిషాలకు పరిచయం చేస్తామంటూ ప్రకటించారు. మార్క్ అంటే ఈ సినిమాలో సాయి ధరమ్ క్యారెక్టర్ పేరు అని తెలుస్తుంది. మరి రేపు ఇచ్చే అప్డేట్ తో ఎటువంటి అంచనాలు క్రియేట్ చేస్తారో చూడాలి.
కాగా ఈ సినిమాని పీపుల్ మీడియా ఫ్యాక్టరీ ప్రతిష్టాత్మకంగా నిర్మిస్తున్నారు. ఈ సినిమాలో కేతిక శర్మ (Ketika Sharma) సాయి ధరమ్ కి జోడిగా కనిపించబోతుందని తెలుస్తుంది. ఇప్పటికే బ్రో టైటిల్ పోస్టర్ యూట్యూబ్లో రికార్డులు క్రియేట్ చేస్తోంది. మార్క్ క్యారెక్టర్ రివీల్తో ఎలాంటి సెన్సేషన్ క్రియేట్ చేస్తారో చూడాలి మరి.
