Orange: జపాన్లో చెర్రీ సినిమా రిలీజ్!
Hyderabad: ఆర్ఆర్ఆర్(RRR) సక్సెస్తో మెగాపవర్ స్టార్ రామ్ చరణ్(Ram Charan Tej) గ్లోబల్ స్టార్‌గా ఎదిగారు. ఈ సినిమా ఆస్కార్(Oscar) అందుకోవడంతో చరణ్‌కు ప్రపంచవ్యాప్తంగా సాలిడ్ క్రేజ్ వచ్చింది. బాలీవుడ్(Bollywood), హాలీవుడ్ నుంచి కూడా అవకాశాలు వస్తున్నాయి. కాగా, ప్రస్తుతం చెర్రీ కోలీవుడ్ స్టార్ డైరెక్టర్ శంకర్ కాంబినేషన్లో తెరకెక్కుతున్న గేమ్ ఛేంజర్ షూటింగ్తో బిజీగా ఉన్నారు.
ప్రస్తుతం టాలీవుడ్లో నడుస్తున్న రీ రిలీజ్ ట్రెండ్కి తగినట్టు రామ్ చరణ్ నటించిన ఆరెంజ్(Orange) సినిమాను ఇటీవలే రీ రిలీజ్ చేశారు మేకర్స్. అప్పుడు డిజాస్టర్గా మిగిలిన ఈ సినిమా ఇప్పుడు మాత్రం అనూహ్యమైన కలెక్షన్లు రాబట్టింది. దీంతో ఈ సినిమాను జపాన్లో రిలీజ్ చేసేందుకు మేకర్స్ రెడీ అవుతున్నారు. బొమ్మరిల్లు భాస్కర్ డైరెక్ట్ చేసిన ఈ సినిమాకు హ్యారిస్ జైరాజ్ సంగీతం చాలా ప్లస్ అయ్యింది. ఈ సినిమాలో అందాల భామ జెనీలియా(Genelia D’Souza) హీరోయిన్‌గా నటించింది. ఈ సినిమాలోని పాటలు ఎప్పటికీ ఎవర్‌గ్రీన్‌గా నిలవడంతో, ఈ సినిమాను మళ్లీ చూసేందుకు ఆడియెన్స్ ఆసక్తిని చూపుతున్నారు.
కాగా, ఈ సినిమాను జపాన్లో మే 6న రిలీజ్ చేయబోతున్నట్లు మేకర్స్ ప్రకటించారు. మరి ఈ సినిమాకు జపాన్ ప్రేక్షకులు ఎలాంటి రెస్పాన్స్‌ను అందిస్తారా అనేది ఆసక్తికరంగా మారింది. ఆర్ఆర్ఆర్ ఆస్కార్ ప్రమోషన్స్లో భాగంగా జపాన్ వెళ్లిన చెర్రీకి సాదర స్వాగతం లభించిన సంగతి తెలిసిందే. మరి ఈ సినిమానూ జపనీయులు ఆదరిస్తారో చూడాలి మరి!
