ప్రభాస్తో అదిరిపోయే ఫొటో షేర్ చేసిన ఓం రౌత్!
Mumbai: యంగ్ రెబల్ స్టార్ ప్రభాస్(Prabhas) హీరోగా బాలీవుడ్ దర్శకుడు ఓం రౌత్(Om Raut) రూపొందించిన సినిమా ఆదిపురుష్(Adipurush). రామాయణం(Ramayanam) ఆధారంగా తెరకెక్కిన ఈ సినిమాలో ప్రభాస్ రాముడిగా, కృతిసనన్(Krithi sanon) సీతగా, సైఫ్ అలీఖాన్(Saif Alikhan) రావణాసురుడిగా నటిస్తున్నారు. పాన్ ఇండియా స్థాయిలో విడుదలవుతున్న ఈ సినిమా కోసం ప్రేక్షకులు ఎంతగానో ఎదురు చూస్తున్నారు. ఈ సినిమా జూన్ 16న విడుదల కానుంది. కొన్నాళ్ల కింద రిలీజైన టీజర్పై భారీగా విమర్శలు రావడంతో విడుదలను వాయిదా వేసి గ్రాఫిక్స్పై ఫోకస్ చేసింది చిత్రబృందం. తాజాగా రిలీజైన ట్రైలర్ ప్రేక్షకులను విపరీతంగా ఆకట్టుకుంటోంది.
రిలీజ్కి ఇంకా రెండు నెలలు ఉండగానే ఆదిపురుష్ టీమ్ ప్రమోషన్స్ షురూ చేసింది. ఇందులో భాగంగానే వరుస పోస్టర్లు, అప్డేట్లతో సర్ప్రైజ్ చేస్తున్నారు. తాజాగా డైరెక్టర్ ఓంరౌత్ ప్రభాస్తో దిగిన ఓ బ్యూటీఫుల్ పిక్ షేర్ చేశారు. ఆదిపురుష్ హీరో ప్రభాస్ తో కలిసి ట్రైలర్ చూస్తున్న ఓ బ్లాక్ అండ్ వైట్ ఫోటోను షేర్ చేశారు. ఇద్దరూ కూడా 3డి గ్లాసెస్ పెట్టుకుని ట్రైలర్ చూస్తూ కనిపించారు. అంతేకాదు ‘యే దోస్తీ.. 3డిలలో ఆదిపురుష్ ట్రైలర్ నా స్నేహితుడితో కలిసి చూస్తున్నాను’ అంటూ క్యాప్షన్ కూడా జతచేశారు. ప్రస్తుతం ఈ ఫోటో వైరలవుతుండగా.. ప్రభాస్ ఫ్యాన్స్ సంతోషం వ్యక్తం చేస్తున్నారు.
