Chatrapathi Remake: సప్నని పరిచయం చేసిన ఛత్రపతి!
Hyderabad: టాలీవుడ్ హీరో బెల్లంకొండ శ్రీనివాస్ (Bellamkonda Sreenivas) బాలీవుడ్ (Bollywood) ఎంట్రీ ఇస్తూ చేస్తున్న సినిమా ఛత్రపతి(Chatrapathi). 2005 లో రాజమౌళి(SS Rajamouli), ప్రభాస్(Prabhas) కలయికలో వచ్చిన ఛత్రపతికి హిందీ రీమేక్గా ఈ సినిమా తెరకెక్కుతోంది. అల్లుడు శీను సినిమాతో తనకి టాలీవుడ్లో గ్రాండ్ డెబ్యూట్ అందించిన వి వి వినాయక్(VV Vinayak) ని తన బాలీవుడ్ డెబ్యూట్ కోసం ఎంచుకున్నాడు బెల్లంకొండ శ్రీనివాస్. ఇటీవలే ఈ సినిమా నుంచి విడుదల చేసిన టీజర్కి బాలీవుడ్తోపాటు టాలీవుడ్లోనూ మంచి రెస్పాన్స్ వచ్చింది.
ప్రభాస్ పాత్రకి బెల్లంకొండ కరెక్ట్ గా సెట్ అయ్యాడని, వినాయక్ కూడా కమ్‌బ్యాక్ ఇచ్చాడని అభిమానులు సంబరపడిపోతున్నారు. దీంతో చిత్ర యూనిట్ మూవీ విజయం పై నమ్మకంగా ఉంది. కాగా ఈ సినిమాలో హీరోయిన్ గా ఎవరు నటిస్తున్నారు అన్నది ఇప్పటివరకు రివీల్ చెయ్యలేదు. నుష్రత్ బరుచా (Nushrratt Bharuccha) శ్రీనివాస్ సరసన నటించబోతుంది అంటూ బాలీవుడ్ వార్తలు వినిపించిన చిత్ర యూనిట్ నుంచి ఎటువంటి అధికారిక ప్రకటన లేదు. కాగా, తాజాగా బెల్లంకొండ తన హీరోయిన్ పరిచయం చేశాడు.
బాలీవుడ్ వార్తల్లో వినిపించిన నుష్రత్ బరుచానే ఈ సినిమాలో హీరోయిన్ గా నటిస్తోంది. ‘మీట్ ఛత్రపతి సప్న’ అంటూ నుష్రత్ తో ఉన్న ఫోటోని రిలీజ్ చేశాడు శ్రీనివాస్. తనిష్క్ బాఘ్చి (Tanishk Bagchi) ఈ సినిమాకి సంగీతం అందిస్తున్నాడు. మే 12న ఈ సినిమా గ్రాండ్ గా రిలీజ్ కాబోతుంది. మరి ఈ సినిమాతో శ్రీనివాస్ బాలీవుడ్ లో కూడా మంచి డెబ్యూట్ హిట్టు అందుకుంటాడా, లేదా.. అనేది చూడాలి మరి!
