NTR31: బర్త్డే స్పెషల్ అనౌన్స్‌మెంట్!
Hyderabad: యంగ్ టైగర్ ఎన్టీఆర్(Jr NTR) పుట్టినరోజు సందర్భంగా అభిమానులు, సినీ ప్రముఖులు సోషల్ మీడియా వేదికగా శుభాకాంక్షలు చెబుతున్నారు. ఎన్టీఆర్30(NTR30) నుంచి ఫస్ట్లుక్తో పాటు టైటిల్ రివీల్ చేసి ఓ రోజు ముందుగానే అదిరిపోయే ట్రీట్ ఇచ్చారు డైరెక్టర్ కొరటాల శివ(Koratala Siva). ‘దేవర’(Devara) టైటిల్తో ఎన్టీఆర్ మాస్ లుక్ అభిమానుల్లో పూనకాలు తెప్పిస్తోంది. ఇక, ఎన్టీఆర్ తదుపరి సినిమా నుంచి కూడా ఓ అప్డేట్ ఇచ్చి ఫ్యాన్స్ని ఖుషీ చేశారు సెన్సేషనల్ డైరెక్టర్ ప్రశాంత్ నీల్(Prashanth Neel). ఎన్టీఆర్31(NTR31)గా ప్రశాంత్ నీల్ దర్శకత్వంలో రూపొందనున్న సినిమా షూటింగ్ ఎప్పుడు స్టార్టవనుందో క్లారిటీ ఇస్తూ తారక్ బర్త్డే స్పెషల్ పోస్టర్ రిలీజ్ చేశారు.
ఆర్ఆర్ఆర్ తర్వాత దాదాపు సంవత్సరం గ్యాప్ తీసుకున్న తారక్ ఇటీవలే దేవర షూటింగ్ స్టార్ట్ చేశారు. కాగా, ప్రశాంత్ నీల్ దర్శకత్వంలోనూ ఎన్టీఆర్ హీరోగా సినిమా రూపొందనుందని ఏడాది కిందటే ప్రకటించారు మేకర్స్. కానీ ఆ సినిమా ఇంకా సెట్స్పైకి వెళ్లలేదు. తాజా పోస్టర్ ప్రకారం ఎన్టీఆర్ 31 షూటింగ్ని 2024 మార్చిలో ప్రారంభించనున్నట్లు తెలుస్తోంది. దేవర షూటింగ్ పూర్తవగానే తారక్ ఈ షూటింగ్లో జాయినవుతారు. దేవర సినిమా వచ్చే ఏడాది ఏప్రిల్ 5న విడుదల కానున్న విషయం తెలిసిందే. కేజీఎఫ్, కేజీఎఫ్2తో సెన్సేషన్ క్రియేట్ చేసిన ప్రశాంత్ నీల్ ఎన్టీఆర్తో రూపొందించేందుకు కథ సిద్ధం చేస్తున్నారు. కాగా, ప్రస్తుతం ప్రభాస్ హీరోగా తెరకెక్కుతున్న సలార్ షూటింగ్ శరవేగంగా జరుగుతోంది. ఇటు సలార్, అటు దేవర పూర్తయిన వెంటనే ఈ ఇద్దరి కాంబినేషన్లో రానున్న సినిమా పట్టాలెక్కనుంది.
