NTR30: ఇంకొన్ని గంట‌ల్లో పూన‌కాలే..!
Hyderabad: యంగ్ టైగర్ ఎన్టీఆర్ (Jr NTR)- కొరటాల శివ (Siva Koratala) కాంబినేషన్లో రూపొందుతున్న చిత్రం ఎన్టీఆర్ 30 (NTR 30). ప్రస్తుతం షూటింగ్ దశలో ఉన్న ఈ చిత్రం నుంచి మేకర్స్ ఎప్పుడు ఏ అప్డేట్ ఇస్తారా? అని ఆసక్తిగా ఎదురు చూస్తున్నారు నందమూరి అభిమానులు. కాగా, షూటింగ్ ఆలస్యంగా మొదలు పెట్టినా ఎప్పటికప్పుడు వరుస అప్డేట్స్తో ఫ్యాన్స్ను ఖుషీ చేస్తున్నారు కొరటాల శివ. ఈ సినిమా మొదలైనప్పటినుంచీ వరుస సర్ప్రైజ్లతో భారీ హైప్ క్రియేట్ చేస్తున్నారు. ఈ సినిమాలో బాలీవుడ్(Bollywood) భామ జాన్వీకపూర్‌(Jahnvi Kapoor) తారక్కు జోడీగా నటిస్తోంది. ఇక ఈ సినిమాకి దేవర అనే టైటిల్‌ను పరిశీలిస్తున్నారని టాక్. కాగా అభిమానులు ఎప్పుడెప్పుడా అని ఎదురుచూస్తున్న ఫస్ట్లుక్ విడుదల టైంని ఫిక్స్ చేశారు మేకర్స్.
ఈ మూవీ ఫస్ట్ లుక్‌ను ఈరోజు(మే 19) సాయంత్రం 7:02 గంటలకు లాంఛ్‌ చేయనున్నట్టు తెలియజేస్తూ.. ‘అతని కంటే భయపెట్టేది.. అతని కథ..’ అంటూ ఎన్టీఆర్ ఆర్ట్స్ ఇంట్రెస్టింగ్ అప్డేట్ అందించింది. ఫిషింగ్‌ హార్బర్‌ విలేజ్‌, పోర్ట్ మాఫియా బ్యాక్‌ డ్రాప్‌ చుట్టూ తిరిగే కథాంశంతో సాగే ఈ చిత్రంలో ఎన్టీఆర్ ఊర మాస్ రోల్లో నటిస్తున్నట్లు తెలుస్తోంది. రేపు (మే 20) తారక్ పుట్టినరోజు కావడంతో ముందుగానే ఎన్టీఆర్ ఫస్ట్లుక్తో ఫ్యాన్స్కి బర్త్డే ట్రీట్ ఇచ్చేందుకు సిద్ధమయ్యారు మేకర్స్.
ఎన్టీఆర్ 30 చిత్రానికి అనిరుధ్ ర‌విచంద‌ర్ సంగీతం అందిస్తున్నాడు. ఎన్టీఆర్ 30ని 2024 ఏప్రిల్ 5న ప్రపంచవ్యాప్తంగా థియేటర్లలో గ్రాండ్‌గా విడుదల చేయనున్నారు.ఈ చిత్రాన్ని ఎన్టీఆర్ ఆర్ట్స్, యువ‌సుధ ఆర్ట్స్ సంయుక్తంగా తెరకెక్కిస్తున్నాయి. కొరటాల, తారక్ కాంబినేషన్లో జనతాగ్యారేజ్‌ తర్వాత వస్తున్న రెండో సినిమా కావడంతో ఎన్టీఆర్ 30పై సినీ వర్గాల్లోనూ భారీ అంచనాలే ఉన్నాయి.
