NBK108: స్పెషల్ సాంగ్లో స్టార్ హీరోయిన్!
Hyderabad: నందమూరి బాలకృష్ణ(Nandamuri Balakrishna) హీరోగా అనిల్ రావిపూడి(Anil Ravipudi) దర్శకత్వంలో తెరకెక్కుతున్నసినిమా NBK108. అఖండ(Akhanda), వీర సింహా రెడ్డి(Veera Simha Reddy) సినిమాలతో బ్యాక్ టు బ్యాక్ హిట్లతో ఫుల్ ఫామ్లో ఉన్న బాలయ్య వరుస ప్రాజెక్టులను లైన్లో పెట్టారు. ప్రస్తుతం NBK 108 షూటింగ్తో బిజీగా ఉన్నారు బాలయ్య. ఇక ఈ సినిమాలో ఇప్పటికే కాజల్ అగర్వాల్(Kajal Aggarwal), శ్రీలీల(Sreeleela) హీరోయిన్లుగా ఎంపికయ్యారు. కాగా ఈ సినిమా నుంచి మరో క్రేజీ అప్డేట్ లీక్ అయ్యింది. ఈ సినిమాలో టాలీవుడ్ స్టార్ హీరోయిన్ ఓ స్పెషల్ సాంగ్ చేయనుందని తెలుస్తోంది.
ఈ సినిమాలో ఓ స్పెషల్ సాంగ్ స్టార్ హీరోయిన్తో చేయిస్తే బాగుంటుందని భావిస్తున్నారట అనిల్ రావిపూడి. అందుకే ఇటీవలే ఈ విషయంలో పూజా హెగ్డేతో సంప్రదింపులు జరుగుతున్నాయని టాక్. పూజ ఇప్పటికే మెగా పవర్ స్టార్ రామ్ చరణ్, సుకుమార్ కాంబినేషన్లో వచ్చిన రంగస్థలం సినిమాలో ‘జిగేల్ రాణి’గా అలరించిన సంగతి తెలిసిందే. ఎవర్గ్రీన్ ఎనర్జీతో అదరగొట్టే పూజ, బాలయ్యతో చిందేస్తే నందమూరి అభిమానులకు పూనకాలే. ప్రస్తుతం పూజ మహేష్ బాబు, త్రివిక్రమ్ కాంబినేషన్లో రూపొందుతున్న SSMB28 సినిమాలో నటిస్తోంది.
