Mukesh Khanna: షారుక్, అక్ష‌య్ కుమార్, అజ‌య్ దేవ‌గ‌ణ్‌ల‌ను ప‌ట్టుకుని చావ‌బాదాలి
Mukesh Khanna: ప్ర‌ముఖ బాలీవుడ్ న‌టుడు ముఖేష్ ఖ‌న్నా.. ఇండ‌స్ట్రీకి చెందిన టాప్ హీరోలైన షారుక్ ఖాన్, అక్ష‌య్ కుమార్, అజ‌య్ దేవ‌గ‌ణ్‌ల‌ను ప‌ట్టుకుని చావ‌బాదాలి అంటూ షాకింగ్ కామెంట్స్ చేసారు. ఈ ముగ్గురు అగ్ర హీరోలు క‌లిసి ఓ పాన్ మసాలా యాడ్‌కు ప్ర‌చార‌క‌ర్త‌లుగా వ్య‌వ‌హ‌రిస్తున్నారు. ముగ్గురూ క‌లిసి ఒకే యాడ్‌లో క‌నిపించ‌డంతో ఆ బ్రాండ్‌కు మ‌రింత పేరు ప్ర‌తిష్ఠ‌లు పెరిగాయి.
పాన్ మ‌సాలాలో తంబాకు వాడ‌తార‌ని.. అది తింటే క్యాన్స‌ర్ వ‌చ్చి పోతార‌ని తెలిసి కూడా ఆ యాడ్‌లో న‌టించ‌డం ఏంటి అని ముఖేష్ ఖ‌న్నా ప్ర‌శ్నించారు. ఇంత‌టి పెద్ద హీరోలు అయ్యుండి ఇలాంటి యాడ్‌లో న‌టించ‌డానికి సిగ్గు లేదా అని విమ‌ర్శించారు. ఈ ముగ్గురూ క‌నిపిస్తే ప‌ట్టుకుని చావ‌బాదాల‌ని అప్పుడే బుద్ధి వ‌స్తుంద‌ని మండిప‌డ్డారు.
“” నేను ఎవ్వరికీ భ‌య‌ప‌డ‌ను. నేను అన్న‌దాంట్లో త‌ప్పేమీ లేదుగా..! వారిని ప‌ట్టుకుని కొట్టాల‌ని నేను నేరుగా వారికే ధైర్యంగా చెప్పాను. నేను చెప్పిన దాంట్లో త‌ప్పు లేద‌ని తెలుసు కాబ‌ట్టే వారు నా మాట‌లు విని మౌనంగా ఉండిపోయారు. అస‌లు అక్ష‌య్ కుమార్ ఈ పాన్ మసాలా యాడ్‌లో న‌టిస్తాడ‌ని నేను అస్స‌లు ఊహించ‌లేదు. ఎందుకంటే అక్ష‌య్ ఆరోగ్యం ప‌ట్ల ఎంతో శ్ర‌ద్ధ వ‌హిస్తాడు. ఇక అజ‌య్ దేవ‌గ‌ణ్‌, షారుక్ ఖాన్‌లు త‌మ ఫ్యాన్స్‌కి ఎలాంటి సందేశం ఇవ్వాల‌నుకుంటున్నారు? ఇదే మాట నేను వారిని అడిగితే.. అది పాన్ మసాలా కాదు అందులో కేవ‌లం వక్క పొడి మాత్ర‌మే ఉంటుంది అంటున్నారు. ఇలాంటివారిని ప‌ట్టుకుని చావ‌బాద‌కుండా ఏం చేయాలి చెప్పండి “” అని మండిప‌డ్డారు.
అక్ష‌య్ కుమార్ పాన్ మసాలా యాడ్ నుంచి త‌ప్పుకోవ‌డంతో ఆయ‌న స్థానంలో టైగ‌ర్ ష్రాఫ్‌ను ఎంపిక‌చేసారు. షారుక్, అజ‌య్ దేవ‌గ‌ణ్‌ల‌కు కోట్ల‌ల్లో పారితోషికం ఇచ్చి ఈ యాడ్ చేయించిన‌ట్లు స‌మాచారం.
