Miss Shetty Mr Polishetty: పాట పాడనున్న స్టార్ హీరో!
Hyderabad: టాలీవుడ్ జేజమ్మ అనుష్కా శెట్టి (Anushka shetty), యంగ్ హీరో న‌వీన్ పొలిశెట్టి (Naveen Polishetty) కాంబినేషన్‌లో రూపొందుతున్న చిత్రం మిస్ శెట్టి మిస్టర్ పొలిశెట్టి (Miss Shetty Mr Polishetty). కామెడీ ఎంటర్‌టైనర్‌గా తెరకెక్కుతున్న ఈ చిత్రానికి మహేశ్ బాబు దర్శకత్వం వహిస్తున్నారు. ఇటీవలే విడుదలైన ఈ మూవీ టీజర్‌కు మంచి రెస్పాన్స్ వస్తోంది. కాగా ఈ సినిమాకు సంబంధించి ఓ సరికొత్త అప్డేట్ నెట్టింట వైరల్గా మారింది.
ఈ చిత్రంలో కోలీవుడ్(Kollywood) స్టార్ హీరో ధనుష్‌(Dhanush) పాడనున్నారట. తెలుగు, తమిళ భాషల్లో రాబోయే ఈ పాటను మ్యూజిక్‌ డైరెక్టర్‌ రాధన్‌ త్వరలోనే ధనుష్‌ చేత రికార్డింగ్ చేయించబోతున్నాడని టాక్. టాలెంటెడ్‌ యాక్టర్‌ ధనుష్‌ రీసెంట్‌గా సార్ చిత్రంలో వావాథి సాంగ్‌తో నెట్టింటిని షేక్ చేశాడు. అనుష్క సినిమాలో ధనుష్‌ పాట ఉండబోతుందన్న న్యూస్‌ ఇప్పుడు టాక్ ఆఫ్ ది ఇండస్ట్రీగా మారుతోంది.
మిస్ శెట్టి మిస్టర్ పొలిశెట్టి నుంచి ఇప్పటికే విడుదలైన నోనోనో (NoNoNo Lyrical Song) లిరికల్ వీడియో సాంగ్‌కు మంచి స్పందన వస్తోంది. ఇప్పటికే లాంఛ్ చేసిన సినిమా టైటిల్, ఫస్ట్ లుక్ సినిమాపై క్యూరియాసిటీ పెంచుతున్నాయి. ఈ చిత్రానికి రాధన్‌ సంగీతం అందిస్తున్నాడు. యూవీ క్రియేషన్స్ బ్యానర్‌ ఈ చిత్రాన్ని నిర్మిస్తోంది. సహజ నటి జయసుధ అనుష్క తల్లి పాత్రలో నటిస్తోంది. తెలుగు, తమిళం, మలయాళం, కన్నడ భాషల్లో విడుదల కానుంది.
