Aparna Nair: మ‌ల‌యాళ న‌టి అనుమానాస్ప‌ద మృతి
ప్ర‌ముఖ మ‌ల‌యాళ న‌టి అపర్ణా నాయ‌ర్ (aparna nair) అనుమానాస్ప‌ద రీతిలో మృతిచెందారు. కేర‌ళ‌లోని కారామ‌ణ‌లో ఉన్న ఆమె నివాసంలో నిన్న ఉరేసుకుని మృతిచెందారు. అప‌ర్ణ కారామ‌ణ‌లో భర్త, ఇద్ద‌రు పిల్లల‌తో క‌లిసి ఉంటున్నారు. గురువారం రాత్రి 7:30 గంట‌ల స‌మ‌యంలో అప‌ర్ణ ఆత్మ‌హ‌త్య చేసుకున్న‌ట్లు తెలిసింది. వెంట‌నే ఆమెను స్థానిక హాస్పిట‌ల్‌కు త‌ర‌లించ‌గా అప్ప‌టికే చనిపోయిన‌ట్లు డాక్ట‌ర్లు ధృవీక‌రించారు. కుటుంబ క‌ల‌హాల కార‌ణంగానే ఆమె చ‌నిపోయి ఉంటుంద‌ని పోలీసులు భావిస్తున్నారు. ఆ కోణంలో ద‌ర్యాప్తు చేప‌డుతున్న‌ట్లు తెలిపారు. (aparna nair)
