Mahesh Babu: మరో చిన్నారిని కాపాడిన సూపర్స్టార్!
Hyderabad: సినిమాలతో ప్రేక్షకులను అలరిస్తూనే సేవాగుణంతో చిన్నారుల ప్రాణాలను రక్షిస్తున్న రియల్ సూపర్స్టార్ మహేష్ బాబు(Mahesh Babu). వరుస హిట్లతో దూసుకుపోతున్న స్టార్ మహేశ్ బాబులో సేవా గుణం కూడా ఎక్కువే. తండ్రి మాదిరిగానే తన సంపాదనలో కొంత సమాజసేవకు ఖర్చు చేయడం మహేశ్ బాబు(Mahesh Babu)కు అలవాటు. మహేశ్ బాబు ఫౌండేషన్ ద్వారా ఎందరో చిన్నారులకు ఆయన గుండె శస్త్ర చికిత్సలు చేయిస్తున్నారు. అనేక మంది చిన్నారుల జీవితాల్లో వెలుగులు నింపుతున్నారు.
తన సేవాగుణాన్ని మరోసారి నిరూపించుకున్నారు మహేష్. తాజాగా రెండేళ్ల వయసు గల చిన్నారి శివాలికి మహేశ్ బాబు ఫౌండేషన్ తరపున గుండెకు శస్త్ర చికిత్సను నిర్వహించారు. ఈ ఆపరేషన్ సక్సెస్ కావడంతో ఆ చిన్నారి సంతోషంగా ఆసుపత్రి నుంచి డిశ్చార్జ్ అయి, ఇంటికి చేరుకుంది. ఈ సందర్భంగా తమ బిడ్డ ప్రాణాలను కాపాడిన మహేశ్ బాబుకు శివాలి తల్లిదండ్రులు ధన్యవాదాలు తెలిపారు. మహేశ్ బాబు మంచి మనసుపై అందరూ ప్రశంసలు కురిపిస్తున్నారు.
ప్రస్తుతం మహేష్, త్రివిక్రమ్(Trivikram) సినిమాలో నటిస్తున్నారు. SSMB28 వర్కింగ్ టైటిల్తో తెరకెక్కుతున్న ఈ సినిమా వచ్చే ఏడాది సంక్రాంతి కానుకగా రిలీజ్ కానుంది. ఈ సినిమా పూర్తయిన వెంటనే దర్శకధీరుడు రాజమౌళి(SS Rajamouli)తో మహేష్(Mahesh Babu) సినిమా చేయబోతున్న సంగతి తెలిసిందే!
