Kurchi Madathapetti: యూట్యూబ్‌ని మ‌డ‌త‌పెడుతున్న సాంగ్..!
Kurchi Madathapetti: గుంటూరు కారం (Guntur Kaaram) అన‌గానే ఎవ‌రికైనా గుర్తొచ్చేది ఆ కుర్చీని మ‌డ‌త‌పెట్టి పాటే. సూప‌ర్‌స్టార్ మ‌హేష్ బాబు (Mahesh Babu), శ్రీలీల (Sreeleela) ఆడిపాడిన ఈ మాట‌కు తెలుగు రాష్ట్రాల్లోనే కాదు నార్త్‌లోనూ క్రేజ్ ఏమాత్రం త‌గ్గ‌లేదు. ఎప్పుడైతే ఈ పాట టీజ‌ర్ రిలీజ్ అయ్యిందో చాలా మంది ఇన్‌స్టాగ్రామ్‌లో రీల్స్ చేసి త‌మ ట్యాలెంట్ చూపించేసారు. ఇప్పుడు ఈ పాట యూట్యూబ్‌లో 100 మిలియ‌న్ వ్యూస్ దాటింది. ఇప్ప‌ట్లో ఈ పాట క్రేజ్ త‌గ్గేలా లేద‌ని గుంటూరు కారం టీం ట్వీట్ చేసింది.
కుర్చీ తాత ఇచ్చిన ఒక్క ఇంట‌ర్వ్యూతో ఈ డైలాగ్ ఫేమ‌స్ అయిపోయిన సంగ‌తి తెలిసిందే. ఆ కుర్చీని మ‌డ‌త‌పెట్టి దె** మెడ‌ల్ ఇరిగిపోనాయ్ అని తాత ఏ ముహూర్తంలో అన్నాడో కానీ ఏకంగా మ‌హేష్ బాబు సినిమాలో దీనిని పెట్టేసారు. కుర్చీ డైలాగ్ ఫేమ‌స్ అయినంత‌గా మ‌రే మీమ్ కూడా ఫేమ‌స్ కాలేదు. ఇక గుంటూరు కారంలో మీనాక్షి చౌద‌రి (Meenakshi Chowdhary) కూడా న‌టించింది కానీ మ‌హేష్ బాబు భుజం నొక్క‌డం.. మందు అందించ‌డం వంటి సీన్ల‌కే ప‌రిమితం అయిపోయింది. త్రివిక్ర‌మ్ ఈసారి మంచి క‌థ‌ను రాసుకోలేక‌పోయారు. సంక్రాంతికి రిలీజ్ అయిన సినిమా ఓ మాదిరిగా ఆడింది. కానీ చాలా కాలం త‌ర్వాత అభిమానులు మ‌హేష్‌ను ఎలా చూడాల‌నుకున్నారో అలా గుంటూరు కారంతో చూపించేసారు త్రివిక్ర‌మ్.
