Kona Venkat: తార‌క్ ఇంటి ముందు నిరాహార దీక్ష చేస్తా

Kona Venkat: ప్ర‌ముఖ ర‌చ‌యిత కోన వెంక‌ట్ శుభ‌వార్త చెప్పారు. ఎలాగైనా యంగ్ టైగ‌ర్ ఎన్టీఆర్ (JR NTR) చేత అదుర్స్ 2 (Adhurs 2)చేయిస్తాన‌ని అన్నారు. 2010లో వ‌చ్చిన అదుర్స్ సినిమా అప్ప‌ట్లో ఏ రేంజ్‌లో సెన్సేష‌న్ క్రియేట్ చేసిందో తెలీదు కానీ.. మొన్న రీ రిలీజ్ అయిన‌ప్పుడు మాత్రం థియేట‌ర్ ద‌ద్ద‌రిల్లిపోయింది. ఇప్పుడు అదుర్స్ లేక‌పోతే అస‌లు మీమ్స్ అనేవే లేవు.

ఎన్టీఆర్, బ్ర‌హ్మానందం కామెడీ టైమింగ్ అదుర్స్ సినిమాలో పండిన‌ట్లు మ‌రే సినిమాలో పండ‌లేదు. సో.. అదుర్స్ 2 త‌ప్ప‌కుండా ప్లాన్ చేస్తామ‌ని అన్నారు కోన వెంక‌ట్. ఇందుకోసం మ‌ళ్లీ తానే క‌థ సిద్ధం చేస్తాన‌ని తెలిపారు. తార‌క్ ఇంటి ముందు టెంట్ వేసుకుని నిరాహార దీక్ష చేసైనా స‌రే అదుర్స్ 2కి ఒప్పిస్తాన‌ని చెప్పారు. ఆ సినిమాలో చారీ పాత్ర‌ను తార‌క్ కాకుండా భార‌త‌దేశంలోని ఏ న‌టుడు కూడా చేయ‌లేడ‌ని తెలిపారు.