Kamal Haasan నిర్మాణంలో తలైవా సినిమా!
Abu Dhabi: యూనివర్సల్ స్టార్ కమల్ హాసన్(Kamal Haasan) ఓ వైపు నటుడిగా రాణిస్తూనే నిర్మాతగా సినిమాలు నిర్మిస్తున్న సంగతి తెలిసిందే. రాజ్కమల్ ప్రొడక్షన్స్ పేరున సొంత బ్యానర్పై పలు సినిమాలు నిర్మిస్తున్న కమల్ తాజాగా ఓ అదిరిపోయే వార్త చెప్పారు. ప్రస్తుతం ‘ఇండియన్ 2′(Indian 2) చిత్రీకరణలో బిజీగా ఉన్న కమల్ హాసన్.. ఇటీవలే IIFA 2023 ఉత్సవాల్లో పాల్గొన్నారు. ఈ సందర్భంగా అక్కడ మీడియాకు పలు ఇంటర్వ్యూలు ఇచ్చిన కమల్ చాలా విషయాలు పంచుకున్నారు.
ఓ ఇంటర్వ్యూలో రజనీ కాంత్(Rajinikanth) సినిమాకు నిర్మాతగా వ్యవహరిస్తున్నారన్న వార్తలపై క్లారిటీ ఇచ్చారు. ఇటీవల జరిగిన కొత్త పార్లమెంటు ప్రారంభోత్సవం గురించి, అబుదాబిలో ఉండటం గురించి తన అభిప్రాయాలను పంచుకున్న కమల్ హాసన్.. తాను నటించబోయే భారతీయుడు 2 మూవీపైనా వ్యాఖ్యానించారు. ఈ క్రమంలోనే రజనీ కాంత్ సినిమాను నిర్మించడంపై చర్చలు జరిగాయన్నది వాస్తవవమేనని ఈ సందర్భంగా ఆయన స్పష్టం చేశారు.
కమల్ నిర్మాతగా తలైవా హీరోగా తెరకెక్కనున్న ఈ సినిమాకు ‘విక్రమ్’ డైరెక్టర్ లోకేష్ కనగరాజ్(Lokesh Kanagaraj) దర్శకత్వం వహించనున్నారని, అనిరుధ్ రవిచందర్ సంగీతం సమకూరుస్తారని తెలుస్తోంది. కమల్ ప్రస్తుతం ఇండియన్ 2తో పాటు సేనాపతి సినిమాలోనూ నటిస్తున్నారు. రజినీ కూడా జైలర్, లాల్ సలామ్ సినిమాలతో బిజీగా ఉన్నారు. ఇద్దరి చేతిలో ఉన్న ప్రాజెక్టులు పూర్తయిన తర్వాత వీరి కాంబినేషన్లో సినిమా ప్రారంభం కానుంది.
