Kajal Aggarwal: పోలీస్ ఆఫీసర్గా కొత్త సినిమా!
Hyderabad: దక్షిణాదిన సక్సెస్ఫుల్ హీరోయిన్గా నటించిన భామ కాజల్ అగర్వాల్(Kajal Aggarwal). దాదాపు అందరు స్టార్ హీరోలతో నటించిన కాజల్ టాలీవుడ్ చందమామగా ప్రేక్షకుల మనసులో స్థానం సంపాదించుకుంది. టాప్ హీరోయిన్గా రాణించిన కాజల్ ఇటీవలే పెళ్లి చేసుకుని ఓ మగ బిడ్డకు జన్మనిచ్చారు. పెళ్లి, ప్రెగ్నెన్సీతో కొన్నాళ్లపాటు సినిమాలకు దూరమైన కాజల్ మళ్లీ వరుస సినిమాలను లైన్లో పెడుతున్నారు.
బాలయ్య(Balakrishna), అనిల్ రావిపూడి(Anil Ravipudi) కాంబినేషన్లో రూపొందుతున్న NBK108తో పాటు, కమల్ హాసన్(Kamal Haasan), శంకర్(Shankar) కాంబినేషన్లో రూపొందుతున్న ఇండియన్ 2(Indian 2)లోనూ కాజల్ నటిస్తోంది. సెకండ్ ఇన్నింగ్స్ లోనూ వరుస ఆఫర్లు అందుకుంటున్న కాజల్ తాజాగా మరో సినిమా ఓకే చేసినట్లు తెలుస్తోంది. డైరెక్టర్ శశికిరణ్ తిక్కా(Shasi kiran Tikka) దర్శకత్వంలో పోలీస్ ఆఫీసర్గా ఓ పవర్ఫుల్ పాత్రలో నటించనుందని సమాచారం.
మేజర్(Major) సినిమాతో భారీ విజయాన్ని అందుకున్న దర్శకుడు శశి కిరణ్ తిక్కా. ఆ ఒక్క సినిమాతో దేశవ్యాప్తంగా పాపులారిటీని సంపాదించుకున్నారు. 26/11 ముంబై బాంబు దాడిలో అమరుడైన మేజర్ సందీప్ ఉన్ని కృష్ణన్ జీవిత కథ ఆధారంగా మేజర్ సినిమాను తెరకెక్కించారు శశి. ఈ సినిమాకు సూపర్ స్టార్ మహేష్‌బాబు నిర్మాతగా వ్యవహరించారు.
మేజర్ వంటి భారీ హిట్ తర్వాత శశి కిరణ్ ఏ సినిమాను ప్రకటించలేదు. అంతేకాదు, ఎవరితో సినిమా చేస్తున్నారు, ఏ జోనర్ సినిమా చేస్తారు అనే విషయాలు కూడా ఇప్పటివరకు బయటకు రాలేదు. అయితే, తాజాగా ఆయన ఒక కథను రాశారని, అయితే వేరే వాళ్లు దర్శకత్వం వహించనున్నారని వార్తలు వచ్చాయి. తాజాగా కాజల్తో ఈ సినిమా చేయనున్నట్లు తెలుస్తోంది. మరి పోలీస్ ఆఫీసర్గా చందమామ ఎలా మెప్పిస్తుందో చూడాలి.
