JR NTR: ‘దేవర’ డెడికేషన్ అలాంటిది!
Hyderabad: యంగ్ టైగర్ ఎన్టీఆర్(Jr NTR) నటిస్తున్న తాజా చిత్రం దేవర(Devara). కొరటాల శివ(Koratala Siva) దర్శకత్వంలో ఈ సినిమా తెరకెక్కుతోంది. ఆర్ఆర్ఆర్(RRR) తర్వాత దాదాపు ఏడాది గ్యాప్ తర్వాత తారక్ నటిస్తున్న సినిమా కావడంతో దీనిపై భారీ అంచనాలే ఉన్నాయి. కాగా, ఇటీవల ఎన్టీఆర్ బర్త్డే సందర్భంగా ఈ సినిమా టైటిల్ రివీల్ చేశారు మేకర్స్. ‘దేవర’ అంటూ అదిరిపోయే ఫస్ట్లుక్ని విడుదల చేశారు. ఈ లుక్ చూసిన నందమూరి అభిమానులు తెగ సంబరపడిపోతున్నారు. ఒక్క పోస్టర్తో సినిమాపై అంచనాలు రెట్టింపు అయ్యాయి. ఈ సినిమాలో తారక్కు జోడీగా బాలీవుడ్ బ్యూటీ జాన్వీ కపూర్(Jahnavi Kapoor) నటిస్తోంది. కాగా ఈ సినిమా కోసం ఎన్టీఆర్ చాలా కష్టపడుతున్నారు. తాజాగా ఆయన వర్కౌట్స్ చేస్తున్న ఫొటోలు నెట్టింట వైరల్గా మారాయి. ఈ ఫొటోలు చూసిన అభిమానులు ‘దేవర డెడికేషన్ అలాంటిది’ అంటూ కామెంట్ చేస్తున్నారు.
ఇక, దేవర నెక్ట్స్ షెడ్యూల్కి కాస్త సమయం ఉండటంతో ఫ్యామిలీతో కలిసి వెకేషన్కి వెళ్లారు ఎన్టీఆర్. ఆదివారం సాయంత్రం ఎయిర్పోర్ట్లో ఎన్టీఆర్ కుటుంబంతో సహా కెమెరా కంటికి చిక్కారు. మిని వెకేషన్ కోసం తారక్ యూరప్ వెళ్లినట్లు తెలుస్తోంది. కాగా, తారక్ తిరిగి రాగానే దేవర తదుపరి షెడ్యూల్ ప్రారంభం కానుంది. ఈ సినిమా వచ్చే ఏడాది వేసవి కానుకగా ప్రేక్షకుల ముందుకు రానుంది.
