NTR: మా గుండెలను మరొక్కసారి తాకి పోండి తాతా!
Hyderabad: నేడు (మే 28) నట సార్వభౌమ స్వర్గీయ నందమూరి తారకరామారావు(Nandamuri Taraka Ramarao) శతజయంతి. ఈ సందర్భంగా నందమూరి కుటుంబ సభ్యులతోపాటు అభిమానులు, తెలుగుదేశం పార్టీ(TDP) కార్యకర్తలు ఎన్టీఆర్ ఘాట్(NTR ghat) వద్ద ఘనంగా నివాళి అర్పించారు. నందమూరి నట వారసుడు జూనియర్ ఎన్టీఆర్(Jr NTR) కూడా ఉదయాన్నే ఎన్టీఆర్ ఘాట్ చేరుకుని సమాధి వద్ద పుష్ప గుచ్చం ఉంచి తాతకు నివాళులు అర్పించారు. తారక్ రాకతో అభిమానుల తాకిడి మరింత ఎక్కువైంది. నందమూరి అభిమానులు తారక్‌ని చూడగానే ‘సీఎం.. సీఎం’ అంటూ పెద్ద ఎత్తున స్లోగన్స్ చేశారు. దీంతో ఎన్టీఆర్ ఘాట్ వద్ద జనం కోలాహలం కనిపిస్తోంది. ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి.
కాగా, నందమూరి తారకరామారావు శతజయంతి సందర్భంగా ట్విట్టర్ లో ‘మా గుండెలను మరొక్కసారి తాకి పోండి తాతా’ అంటూ ఎమోషనల్ ట్వీట్ చేశారు తారక్. ఈ ట్వీట్ వైరల్ గా మారింది. ఎన్టీఆర్ కొడుకు నందమూరి నటసింహం బాలకృష్ణ కూడా తండ్రికి ఘన నివాళి అర్పించారు. నందమూరి కుటుంబం నుంచి ఎన్టీఆర్ కొడుకు నందమూరి రామకృష్ణ, కూతురు పురందేశ్వరితో పాటు సినీనటుడు రాజేంద్ర ప్రసాద్, ఇతర ప్రముఖులు కూడా ఎన్టీఆర్ ఘాట్ వద్ద నివాళులు అర్పించారు.
మా గుండెలను మరొక్కసారి తాకి పోండి తాతా 🙏🏻 pic.twitter.com/veKcoCWamx
— Jr NTR (@tarak9999) May 28, 2023
