Adipurush: ఒళ్లు గగుర్పొడిచేలా ‘జై శ్రీరామ్’ పాట!
Mumbai: పాన్ ఇండియా స్టార్ ప్రభాస్(Prabhas), కృతి సనన్(Kriti Sanon) జంటగా నటించిన సినిమా ఆదిపురుష్(Adipurush). బాలీవుడ్(Bollywood) డైరెక్టర్ ఓమ్ రౌత్(Om Raut) రూపొందించిన ఈ సినిమా రామాయణం ఆధారంగా తెరకెక్కింది. ఈ సినిమా అనౌన్స్మెంట్ నుంచి విడుదల చేసిన పోస్టర్లు, టీజర్లు, అప్డేట్లలో మొట్టమొదటగా ప్రేక్షకులను మెప్పించింది జై శ్రీరామ్(Jai Shri Ram) పాట ప్రోమో. ఈ ప్రోమోతోనే సినిమాపై పాజిటివ్ టాక్ రావడం ప్రారంభమైంది. ఆ పాజిటివిటీ ట్రైలర్ రిలీజ్కి కూడా చాలా హెల్ప్ అయ్యింది. ప్రోమోతోనే ఆడియన్స్ బాగా కనెక్ట్ అయిన జై శ్రీరామ్ ఫుల్ సాంగ్ నేడు రిలీజ్ అయింది.
ఇక, ఈ సినిమా జూన్ 16న ప్రపంచవ్యాప్తంగా ఘనంగా విడుదల కానుంది. విడుదల తేదీ దగ్గర పడుతుండటంతో ఆదిపురుష్ చిత్రయూనిట్ ప్రమోషన్స్ షురూ చేసింది. ట్రైలర్ టాక్తో పుంజుకున్న చిత్రబృందం వరుస పోస్టర్లు, అప్డేట్లతో అభిమానులను సర్ప్రైజ్ చేస్తోంది. ఈ సినిమాకి పాజిటివ్ టాక్ తెచ్చిపెట్టిన జైశ్రీరామ్ తోనే ప్రమోషన్స్ ప్రారంభించేశారు. ఇప్పటికే ఈ పాట ప్రోమో వచ్చి అందర్నీ మెప్పించింది. తాజాగా నేడు ఈ జై శ్రీరామ్ ఫుల్ సాంగ్ రిలీజ్ చేశారు. అంతేకాదు ముంబైలో లైవ్ పర్ఫార్మెన్స్ కూడా ఇచ్చి ఈవెంట్ నిర్వహించి పాటను రిలీజ్ చేశారు. ఈ పాటకు అజయ్ అతుల్ సంగీతం వహించారు. ఈ లిరికల్ సాంగ్ ప్రస్తుతం నెట్టింట ట్రెండింగ్ లో ఉంది.
