‘ఇస్మార్ట్’ కాంబో రిపీట్!
Hyderabad: డైరెక్టర్ పూరీ జగన్నాథ్కి చాలా రోజుల తర్వాత కమ్బ్యాక్ ఇచ్చిన సినిమా ఇస్మార్ట్ శంకర్(Ismart Shankar). ఈ సినిమాతో ఎనర్జిటిక్ హీరో రామ్(Ram Pothineni)లోని మాస్ యాంగిల్తో ప్రేక్షకులను మెప్పించాడు పూరీ. ఛార్మీ(Charmi)ని నిర్మాతగానూ సక్సెస్ బాట పట్టించిన సినిమా ఇస్మార్ట్ శంకర్. కాగా, ఈ సక్సెస్ఫుల్ కాంబో రిపీట్ అవబోతోందని తెలుస్తోంది. ద వారియర్ డిసాస్టర్ తరవాత బోయపాటి(Boyapati Srinivas)తో పాన్ ఇండియా మూవీ చేస్తున్న రామ్.. తన తదుపరి మూవీ పూరి దర్శకత్వంలోనే చెయనున్నారని టాక్. దీనికి సంబంధించిన స్క్రిప్ట్ వర్క్ కూడా పూర్తయ్యిందట. ఈ సినిమాతో మళ్లీ హిట్ కొట్టాలని చూస్తున్నారట పూరీ.
రౌడీ హీరో విజయ్ దేవరకొండ హీరోగా పాన్ ఇండియా లెవల్లో తెరకెక్కిన లైగర్ ఊహించని విధంగా ప్లాప్ అయ్యింది. ఆ షాక్ నుంచి ఇటు విజయ్, అటు పూరీ ఇంకా కోలుకోనేలేదు. కాగా, సాలిడ్ కమ్బ్యాక్తో అదరగొట్టాలని పూరీ ప్లాన్ చెస్తున్నారని తెలుస్తోంది. ఛార్మితో కలిసి ముంబైలో కొన్నాళ్లుగా మకాం వేసిన పూరి జగన్నాథ్ ఇప్పటికే ఇస్మార్ట్ శంకర్ లాంటి మాస్ కథని ప్రిపేర్ చేసుకుని డెవెలెప్ చేస్తూ.. రామ్ తో మీటింగ్ మొదలెట్టినట్టు టాక్. పూరి-ఛార్మినే పూరీ కనెక్ట్స్ లో ఈ చిత్రాన్ని నిర్మించడానికి రెడీ అవుతున్నారట.
లైగర్ షూటింగ్ సమయంలోనే మొదలు పెట్టిన ‘జన గణ మణ’ సినిమాని పక్కన పెట్టేసిన పూరీ రామ్తో చేయబోయే సినిమాతో ప్రేక్షకులను మెప్పించి మళ్లీ ఆ ప్రాజెక్టును పట్టాలెక్కించాలనే ఆలోచనలో ఉన్నారట. మరి పూరీ ప్లాన్ ఎంతవరకు వర్కౌట్ అవుతుందో చూడాలి.
