Hema: బెంగ‌ళూరు రేవ్ పార్టీలో దొరికిన న‌టి హేమ, మంత్రి కాకాణి?
Hema: ప్ర‌ముఖ న‌టి హేమ బెంగ‌ళూరులో జ‌రిగిన రేవ్ పార్టీ రైడ్ల‌లో దొరికిన‌ట్లు తెలుస్తోంది. ఎల‌క్ట్రానిక్ సిటీ స‌మీపంలోని బీఆర్ ఫామ్ హౌస్‌లో ఈ రేవ్ పార్టీ జరిగింది. ఏపీ ఎమ్మెల్యే కాకాణి గోవ‌ర్ధ‌న్ కూడా ఉన్నార‌న్న వార్త‌లు వ‌స్తున్న‌ప్ప‌టికీ తామిద్ద‌రం అస‌లు రేవ్ పార్టీకి వెళ్ల‌లేద‌ని చెప్తున్నారు. కాకాణికి సంబంధించిన కారును రేవ్ పార్టీ ద‌గ్గ‌ర పోలీసులు గుర్తించారు.
కానీ కాకాణి మాత్రం ఆ కారు త‌న‌ది కాద‌ని చెప్తున్నారు. ఈ రేవ్ పార్టీలో దాదాపు 200 మంది ఉన్న‌ట్లు స‌మాచారం. పోలీసులు దాదాపు వంద మందిని అదుపులోకి తీసుకున్నార‌ట. రేవ్ పార్టీలో డ్ర‌గ్స్‌ని కూడా పోలీసులు స్వాధీనం చేసుకున్నారు. సినీ న‌టులు, మోడ‌ల్స్, వ్యాపార‌వేత్త‌లు కూడా ఈ పార్టీలో ఉన్న‌ట్లు తెలుస్తోంది. వాసు అనే వ్య‌క్తి ఈ రేవ్ పార్టీని నిర్వ‌హించిన‌ట్లు తెలుస్తోంది. వాసు ఎవరు అనేది పోలీసులు తెలుసుకునేందుకు య‌త్నిస్తున్నారు.
