Harish Shankar: నా ర‌వితేజ అన్న గురించి ఇలా మాట్లాడితే ఊరుకోను

Harish Shankar: ద‌ర్శ‌కుడు హ‌రీష్ శంక‌ర్ ఎప్పుడూ ట్విట‌ర్‌లో యాక్టివ్‌గా ఉంటారు. ఎప్ప‌టిక‌ప్పుడు త‌న సినిమాల అప్‌డేట్లు ఇస్తుంటారు. ఇత‌ర సినిమాల‌పై త‌న అభిప్రాయాన్ని పంచుకుంటారు. ఎవ‌రైనా త‌ప్పుడు ట్వీట్స్, ట్రోల్స్ చేసినా అక్క‌డిక‌క్క‌డే స‌మాధానం చెప్తారు. అయితే ఇప్పుడు టాపిక్ అంతా హ‌రీష్ శంక‌ర్, ర‌వితేజ (ravi teja) కొత్త సినిమా గురించే. త‌న‌కెంతో ఇష్ట‌మైన ర‌వితేజ‌తో సినిమా చేయ‌బోతున్న‌ట్లు నిన్న ప్ర‌క‌టించారు. ఈ సినిమా కోసం హ‌రీష్ శంక‌ర్ ఇలియానా, మీనాక్షి చౌదరిల‌ను సంప్ర‌దించార‌ని.. కానీ వారిలో ఒక‌రు డేట్లు స‌ర్దుబాటు కాక‌పోవ‌డం వ‌ల్ల మ‌రొక‌రు రెమ్యున‌రేష‌న్ విష‌యంలో విభేదాలు రావ‌డం వ‌ల్ల ఒప్పుకోలేద‌ని ఓ వెబ్‌సైట్ ట్వీట్ చేసింది.

దాంతో హ‌రీష్ శంక‌ర్ యానిమ‌ల్ ఫేం తృప్తి డిమ్రిని సంప్ర‌దించ‌నున్న‌ట్లు పేర్కొన్నారు. ఈ ట్వీట్ హ‌రీష్ శంక‌ర్ కంట ప‌డ‌టంతో వెంట‌నే ఆయ‌న క్లారిటీ ఇచ్చారు. త‌న ట్రాక్ రికార్డ్ తెలిసిన‌వారు రిజెక్ట్ చేయ‌ర‌ని.. శృతి హాసన్‌కి కానీ పూజా హెగ్డేకి కానీ త‌న సినిమాల‌పై న‌మ్మ‌కం ఉంద‌ని యానిమ‌ల్ సినిమా కంటే ముందే ర‌వితేజ సినిమాకు కావాల్సిన క్యాస్టింగ్ సెలెక్ట్ అయిపోయింద‌ని స్ప‌ష్టం చేసారు. త‌న మాస్ మ‌హారాజా ర‌వితేజ గురించి ఇలాంటి త‌ప్పుడు రూమ‌ర్స్ సృష్టిస్తే బాగోద‌ని.. క‌న్‌ఫం చేసుకోవ‌డానికి త‌న‌కు ఒక్క ఫోన్ కాల్ దూరంలో ర‌వితేజ ఉన్నార‌ని గ‌డ్డిపెట్టారు హ‌రీష్ శంక‌ర్