G.O.A.T: అబ్బో.. ఓ రేంజ్‌లో సుధీర్ సినిమా టైటిల్!
Hyderabad: సుడిగాలి సుధీర్ (Sudigaali Sudheer), దివ్య భారతి (Divyabharathi) జంటగా నటిస్తున్న సినిమా SS4. డైరెక్టర్‌ నరేష్ కుప్పిలి దర్శకత్వంలో రూపొందుతున్న ఈ సినిమా ఇటీవలే రామా నాయుడు స్టూడియోస్లో ఘనంగా పూజా కార్యక్రమాలు పూర్తి చేసుకుంది. రెగ్యులర్ షూటింగ్ని కూడా ప్రారంభించేశారు మేకర్స్. కాగా, ఈరోజు సుధీర్ బర్త్ డే సందర్బంగా టైటిల్ ఫస్ట్‌ లుక్‌ను లాంఛ్ చేశారు. లక్కీ మీడియా, మహాతేజ క్రియేషన్స్ బ్యానర్స్ పై చంద్ర శేఖర్ రెడ్డి మొగుళ్ళ, బెక్కం వేణుగోపాల్ సంయుక్తంగా నిర్మిస్తున్న ఈ చిత్రానికి G.O.A.T : Greatest Of All Times (ట్యాగ్‌లైన్‌) టైటిల్ ఫిక్స్ చేశారు.
గతేడాది ‘గాలోడు'(Gaalodu)తో థియేటర్లలో సందడి చేసిన సుధీర్ తన నెక్స్ట్ మూవీతో ప్రేక్షకుల ముందుకు రానున్నాడు. అంతే కాదు ఈ సినిమాలో హాట్ బ్యూటీ దివ్యభారతి హీరోయిన్ గా నటిస్తోంది. తన మొదటి సినిమా అయిన ‘బ్యాచిలర్’ తో యూత్ లో మంచి క్రేజ్ ని సొంతం చేసుకుంది దివ్యభారతి. ఆ తర్వాత రెండో చిత్రంగా ‘మధిల్ మెల్ కాదల్’ అనే తమిళ సినిమాలో నటించింది. ఇప్పుడు మూడో సినిమాతో టాలీవుడ్ లోకి ఎంట్రీ ఇవ్వబోతోంది.
