Double Ismart: ఇస్మార్ట్ శంకర్ సీక్వెల్ వచ్చేస్తోంది!
Hyderabad: ఎనర్జిటిక్ హీరో రామ్ పోతినేని(Ram Pothineni) ప్రస్తుతం తన 20వ సినిమా షూటింగ్తో బిజీగా ఉన్నారు. మాస్ డైరెక్టర్ బోయపాటి శ్రీను(Boyapati Srinivas) రూపొందిస్తున్న ఈ సినిమా RAPO20 వర్కింగ్ టైటిల్తో తెరకెక్కుతోంది. కాగా ఈ సినిమా నుంచి ఫస్ట్ గ్లింప్స్ని రామ్ బర్త్ డే సందర్భంగా మే 15న ప్రకటించనున్నట్లు తెలిపింది చిత్రబృందం. తాజాగా రామ్ బర్త్డే స్పెషల్గా మరో గుడ్ న్యూస్ ప్రకటించారు. ఇస్మార్ట్ శంకర్ (ISmart Shankar) సినిమా సీక్వెల్ తప్పకుండా ఉంటుందని అనౌన్స్ చేసిన సంగతి తెలిసిందే. 2019 లో పూరీజగన్నాధ్ (Puri Jagannadh) దర్శకత్వంలో వచ్చిన ఈ సినిమా సూపర్ హిట్ అయ్యింది. ఆ తరువాత ఈ సినిమా సీక్వెల్ పై చాలా వార్తలు బయటకి వచ్చాయి.
ఇక ఇప్పుడు ఈ కాంబినేషన్ లో మూవీ రాబోతుందని ప్రకటించడంతో.. కొత్త కథతో వస్తున్నారా? లేదా సూపర్ హిట్ అయిన ఇస్మార్ట్ కి సీక్వెల్ ని తీసుకు వస్తున్నారా? అనే సందేహం మొదలైంది. తాజాగా ఆ సస్పెన్స్ ని బ్రేక్ చేస్తూ.. ఇస్మార్ట్ కి సీక్వెల్ అని ప్రకటించారు. డబుల్ ఇస్మార్ట్(Double Ismart) అంటూ టైటిల్ ని అనౌన్స్ చేసిన మూవీ టీం.. రిలీజ్ డేట్ ని కూడా అనౌన్స్ చేసి సర్‌ప్రైజ్ చేశారు. ఈ సినిమాని వచ్చే ఏడాది మార్చి 8న పాన్ ఇండియా రేంజ్లో రిలీజ్ చేయనున్నట్లు ప్రకటించారు.
రౌడీ హీరో విజయ్ దేవరకొండ హీరోగా పాన్ ఇండియా లెవల్లో తెరకెక్కిన లైగర్ ఊహించని విధంగా ప్లాప్ అయ్యింది. కాగా, సాలిడ్ కమ్బ్యాక్తో అదరగొట్టాలని పూరీ ప్లాన్ చెస్తున్నారని తెలుస్తోంది. ఛార్మితో కలిసి ముంబైలో కొన్నాళ్లుగా మకాం వేసిన పూరి జగన్నాథ్ ఇప్పటికే ఇస్మార్ట్ శంకర్ లాంటి మాస్ కథని ప్రిపేర్ చేసుకుని డెవెలెప్ చేస్తూ.. రామ్ తో మీటింగ్ మొదలెట్టినట్టు టాక్. పూరి-ఛార్మినే పూరీ కనెక్ట్స్ లో ఈ చిత్రాన్ని నిర్మించనున్నారు.
